________________ पुप्फचूलियाओ अ. 1 877 जेणेव गुणसिलए चेइए तेणेव उवागच्छइ र त्ता छत्ताईए तित्थयराइसए पासइ 2 त्ता धम्मियाओ जाणप्पवराओ पच्चोरु[मि]हइ 2 त्ता चेडीचकवालपरिकिण्णा जेणेव पासे अरहा पुरिसादाणीए तेणेव उवागच्छइ २त्ता तिवखुत्तो वं०२ त्ता जाव पज्जुवासइ॥१५॥तए णं पासे अरहा पुरिसादाणीए भूयाए दारियाए तीसे महइ०धम्मकहा, धम्मं सोचा णिसम्म हड़ वंदइ णमंसइ वं० 2 त्ता एवं वयासी-सद्दहामि णं भंते ! णिग्गंथ पावयणं जाव अब्भुटेमि णं भंते ! णिग्गंथं पावयणं, से जहेयं तुब्मे वयह, ज णवरं भंते ! अम्मापियरो आपुच्छामि, तए णं अहं जाव पव्वइत्तए / अहासुई देवाणुप्पिए !0 // 151|| तए णं सा भूया दारिया तमेव धम्मियं जाणप्पवरं जाव दुरूहइ 2 त्ता जेणेव रायगिहे णयरे तेणेव उवागया, रायगिहं गयरं मज्झमझेणं जेणेव सए. गिहे तेणेव उवागया, रहाओ पच्चोरुहित्ता जेणेव अम्मापियरो तेणेव उवागया, करयल० जहा जमाली आपुच्छइ / अहासुहं देवाणुप्पिए ! // 152 // तएं णं से सुदंसणे गाहावई विउलं असणं 4 उवक्खडावेइ मित्तणाइ० आमंतेइ 2 त्ता नाव जिमियभुत्तुत्तरकाले सुईभूए णिक्खमणमाणेत्ता कोडुम्बियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! भूयादारियाए पुरिससहस्सवाहिणीयं सीयं उवट्ठवेह 2 त्ता जाव पच्चप्पिणह / तए णं ते जाव पच्चप्पिणंति // 153 // तए णं से सुदंसणे गाहावई भूयं दारियं व्हायं जाव विभूसियसरीरं पुरिससहस्सवाहिणि सीयं दुरूहेइ 2 त्ता मित्तणाइ० जाव रवेणं रायगिहं णयरं मज्झमज्झेणे जेणेव गुणसिलए चेइए तेणेव उवागए छत्ताईए तित्थयराइसए पासइ 2 त्ता सीयं ठावेइ 2 ता भूयं दारियं सीयाओ पच्चोरुहेइ // 154 // तए णं तं भूयं दारियं अम्मापियरो पुरओ काउं जेणेव पासे अरहा पुरिसादाणीए तेणेव उवागया तिक्खुत्तो वंदंति णमंसंति वं० 2 त्ता एवं वयासी-एवं खलु देवाणुप्पिया ! भूया दारिया अम्हं एगा धूया इट्ठा०, एस णं देवाणुप्पिया ! संसारभउव्विग्गा भीया जाव देवाणुप्पियाणं अंतिए मुण्डा जाव पव[यायइ, तं एयं णं देवाणुप्पिया ! सिस्सिणिभिक्खं दलयामो, पडिच्छंतु णं देवाणुप्पिया ! सिस्सिणिभिक्खं / अहासुहं देवाणुप्पिया !0 // 155 // तए णं सा भूया दारिया .पासेणं अरहया "एवं वुत्ता समाणी हट्ट उत्तरपुरस्थिमं सयमेव आभरणमल्लालंकार ओउम्मुयई जहा देवाणंदा पुप्फचूलाणं अंतिए जाव गुत्तबम्भयारिणी // 156 // तए णं सा भूया अजा अण्णया कयाइ सरीरबाओसिया जाया यावि होत्था, अभिक्खणे 2 हत्थे धोवइ, पाए धोवइ, एवं सीसं धोवइ, मुहं धोवइ, थणगंतराइं
