________________ पुप्फचूलियाओ चउत्थो वग्गो-पढम अन्झयणं जइ णं भंते ! समणेणं भगवया 'उक्खेवओ जाव दस अज्झयणा पण्णत्ता, तंजहा-सिरि-हिरि-धिइ-कित्तीओ बुद्धी लच्छी य होइ बोद्धव्वा / इलादेवी सुरादेवी रसदेवी गंधदेवी य // 1 // जइ णं भंते ! समणेणं भगवया जाव संपत्तेणं उवंगाणं चउत्थस्स वग्गस्स पुष्फचूलियाणं दस अज्झयणा पण्णत्ता, पढमस्स भंते ! उक्खेवओ। एवं खलु जंबू ! तेणं कालेणं तेणं समएणं रायगिहे. णयरे, गुणसिलए चेइए, सेणिए राया। सामी संमोसढे, परिसा णिग्गया। तेणं कालेणं तेणं समएणं सिरिदेवी सोहम्मे कप्पे सिरिवडिंसए विमाणे सभाए सुहम्माए सिरिसि सीहासणंसि चउहिं सामाणियसाहस्सीहिं चउहि महत्तरियाहिं 0. जहा बहुपुत्तिया जाव णट्टविहिं उवदंसित्ता पडिगया। णवरं [दारय]दारियाओ णत्थि। पुव्वभवपुच्छा। एवं खलु जंबू ! तेणं कालेणं तेणं समएणं रायगिहे णयरे, गुणसिलए चेइए, जियसत्तू राया। तत्थ णं रायगिहे णयरे सुदंसणे णाम गाहावई परिवसइ, अड्डे / तस्स णं सुदंसणस्स गाहावइस्स पिया णामं भारिया होत्था, सोमाल०। तस्स णं सुदंसणस्स गाहावइस्स धूया पियाए गाहावइणीए अत्तिया भूया णामं दारिया होत्था [बुड्डा बुड्ढकुमारी जुण्णा जुण्णकुमारी पडियपुयत्थणी वरगपरिवज्जिया यावि होत्था // 147 // तेणं कालेणं तेणं समएणं पासे अरहा पुरिसादाणीए जांव णवरयणिए वण्णओ सो चेव, समोसरणं / परिसा णिग्गया // 148 // तए णं सा भूया दारिया इमीसे कहाए लद्धट्ठा समाणी हट्टतुट्ट० जेणेव अम्मापियरो तेणेव उवागच्छइ 2 त्ता एवं वयासी-एवं खलु अम्मयाओ! पासे अरहा पुरिसादाणीए पुव्वाणुपुत्विं चरमाणे जाव गणपरिवुडे विहरइ, तं इच्छामि गं अम्मयाओ ! तुब्भेहिं अब्भणुण्णाया समाणी पासस्स अरहओ पुरिसादाणीयस्स पायवंदिया गमित्तए / अहासुहं देवाणुप्पिए ! मा पडिबंध // 149 // तए णं सा भूया दारिया ण्हाया जाव सरीरा चेडीचकवालपरिकिण्णा साओ गिहाओ पडिणिक्खमइ 2 त्ता जेणेव बाहिरिया उवट्ठाणसाला तेणेव उवागच्छइ 2 त्ता धम्मियं जाणप्पवरं दुरूदा। तए णं सा भूया दारिया णिययपरिवारपरिवुडा रायगिहं णयरं मझमज्झेणं णिग्गच्छइ 2 त्ता
