________________ 868 अनंगपविट्ठसुत्ताणि पविसह, अस्थि से केइ कहिचि विजापओए वा मंतप्पओए वा वमणं वा विरेयणं वा वस्थिकम्मं वा ओसहे वा मेसज्जे वा उवलद्धे, जेणं अहं दारगं.वा. दारियं वा पयाएजा 1 // 115 // तए णं ताओ अजाओ सुभदं सत्थवाहिं एवं धयासी-अम्हे णं देवाणुप्पिए ! समणीओ णिग्गंथीओ इरियासमियाओ जाव गुत्तबम्भयारिणीओ, णो खलु कप्पइ अम्हं एयमढे कण्णेहिवि णिसामेत्तए किमंग पुण उद्दिसित्तए वा समायरित्तए वा, अम्हे णं देवाणुप्पिए ! णवरं तव विचित्तं केवलिपण्णत्तं धम्म परिकहेमो || 116 // तए णं सा सुभद्दा सत्थवाही तासिं अजाणं अंतिए धम्म सोचा णिसम्म हद्वतुट्ठा ताओ अजाओ तिक्खुत्तो वंदइ णमंसह वं० २त्ता एवं वयासी-सद्दहामि णं अजाओ ! णिग्गंथं पावयणं, पत्तियामि णं रोएमि णं अजाओ! णिग्गंथं पावयणं, एवमेयं तहमेयं अवितहमेयं जाव सावगधम्मं पडिवजए, अहासुहं देवाणुप्पिए ! मा पडिबंधं करेह, तए णं सा सुभद्दा सत्थवाही तासिं अजाणं अंतिए जाव पडिवजह 2 त्ता ताओ अजाओ वंदइ णमंसइ वं० 2 त्ता पडिविसजइ / तए गं सा सुभद्दा सत्यवाही समणोवासिया जाया जाव विहरइ // 117 // तए णं तीसे सुभद्दाए समणोवासियाए अण्णया कयाइ पुव्वरत्तावरत्तकालसमयंसि कुडुम्बजागरियं जागरमाणीए अयमेयारूवे अज्झथिए जाव समुप्पज्जित्था-एवं खलु अहं भद्देणं सत्थवाहेणं सद्धिं विउलाई भोगभोगाइं जाव विहरामि,णो चेव णं अहं दारगं वा",तं सेयं खलु ममं कल्लं जाव जलंते भद्दस्स आपुच्छित्ता सुव्वयाणं अजाणं अंतिए अज्जा भवित्ता आगाराओ जाव पव्वइत्तए, एवं संपेहेइ 2 त्ता कल्ले जेणेव भद्दे सत्थवाहे तेणेव उवागया करयल जाव एवं वयांसी-एवं खलु अहं देवाणुप्पिया ! तुम्भेहिं सद्धिं बहूई वासाइं विउलाई भोगभोगाइं जाव विहरामि, णो चेव णं दारगं वा दारियं वा पयायामि, तं इच्छामि णं देवाणुप्पिया ! तुब्भेहिं अब्भणुण्णाया समाणी सुव्वयाणं अजाणं जाव पवइत्तए // 118 // तए णं से भद्दे सत्थवाहे सुभदं सत्थवाहिं एवं वयासी-मा णं तुमं देवाणुप्पिए ! इयाणिं मुण्डा जाव पव्वयाहि, भुंजाहि ताव देवाणुप्पिए ! मए सद्धिं विउलाई भोगभोगाई, तओ पच्छा भुत्तभोई सुव्वयाणं अजाणं जाव पव्वयाहि / तए णं सुभद्दा सत्थवाही भद्दस्स०एयमढें णो०परियाणइ / दोच्चंपि तच्चपि सुभद्दा सत्थवाही भदं सत्थवाहं एवं वयासी-इच्छामि णं देवाणुप्पिया ! तुब्मेहिं अब्भणुण्णाया समाणी जाव पव्वइत्तए / तए णं से भद्दे सत्थवाहे जाहें णो संचाएइ बहूाहिं आघवणाहि य एवं पण्णवणाहि य सण्णवणाहि य विण्णवणाहि य आघवित्तए वा जाव विण्णवित्तए वा ताहे अकामए चेव सुभद्दाए णिक्खमणं अणुमण्णित्था
