________________ पुप्फियाओ अ. 4 867 त्ति भगवं गोयमे समणं भगवं महावीरं वंदइ णमंसइ / कृडागारसाला / बहुपुत्तियाए णं भंते ! देवीए सा दिव्वा देविड्डी पुच्छा जाव अभिसमण्णागया 1 एवं खलु गोयमा ! तेणं कालेणं तेणं समएणं वाणारसी णामं णयरी, अम्बसालवणे चेइए / तत्थ णं वाणारसीए णयरीए भद्दे णामं सत्थवाहे होत्था, अड्ढे जाव अपरिभूए / तस्स णं भद्दस्स सुभद्दा णामं भारिया सुउमाल० वंझा अवियाउरी जाणु कोप्परमाया यावि होत्था // 112 // तए णं तीसे सुभद्दाए सत्थवाहीए अण्णया कयाई पुव्वरत्तावरत्तकाले कुडुम्बजागरियं जागरमाणीए इमेयारूवे जाच संकप्पे समुप्पज्जित्था एवं खलु अहं भद्देणं सत्थवाहेणं सद्धिं विउलाई भोगभोगाई भुंजमाणी विहरामि, णो चेव णं अहं दारगं वा दारियं वा पयाया, तं धण्णाओ णं ताओ अम्मयाओ जाव सुलद्धे णं तासिं अम्मयाणं मणुयजम्मजीवियफ्ले, जासिं मण्णे णियकुच्छिसंभूयगाई थणदुद्धलुद्धगाई महुरसमुल्लावगाणि मम्मण(मंजुल)प्पजम्पियाणि थणमूलकक्खदेसभागं अभिसरमाणगाणि पण्हयंति, पुणो य कोमलकमलोवमेहिं हत्थेहि गिहिऊणं उच्छंगणिवेसियाणि देंति, समुल्लावए सुमहुरे पुणो पुणो मम्मणप्पमणिए, अहं णं अधण्णा अपुण्णा अकयपुण्णा एत्तो. एगमवि ण पत्ता, ओहय० जाव झियाइ // 113 // तेणं कालेणं 2 सुब्वयाओ णं अजाओ इरियासमियाओ भासासमियाओ एमणासमियाओ आयाणभण्डमत्तणिक्खेवणासमियाओ उच्चारपासवणखेलज् लसिंघाणपारिट्ठावणासमियाओ मणगुत्तीओ वयगुत्तीओ कायगुत्तीओ गुत्तिंदियाओ गुत्तबंभयारिणीओ बहुस्सुयाओ बहुपरिवाराओ पुव्वाण पुत्विं चरमाण ओ गामाणुगामं दूइजमाणीओ जेणेव वाणारसी णयरी तेणेव,उवागया उवागचित्ता अहापडिरूवं उगहं ओगिण्हित्ता संजमेणं तवसा० विहरंति // 114 // तए णं तासि सुन्वयाणं अजाणं एगे संघाडए वाणारसीणयरीए उच्चणीयमज्झिमाई कु.लाई घरसमुदाणस्स भिवखा. यरियाए अडमाणे भद्दस्स सत्थवाहस्स गिहं अणुपविढे / तए णं सुभद्दा सत्थवाही ताओ अजाओ एजमाणीओ पासइ 2 त्ता हट्ट० खिप्पामेव आसणाओ अब्भुटेइ 2 त्ता सत्तट्ठपयाई अणुगच्छइ 2 त्ता वंदइ णमंसइ वं० 2 त्ता विउलेणं असणपाणखाइमसाइमेणं पडिलामेत्ता एवं वयासी-एवं खलु अहं अजाओ ! भद्देणं सत्यवाहेणं सद्धिं विउलाई भोगभोगाई भुंजमाणी विहरामि, णो चेव णं अहं दारगं . वा दारियं वा पयायामि, तं धण्णाओ णं ताओ अम्मयाओ जाव एत्तो एगमवि ण पत्ता, तं तुम्भे अजाओ ! बहुणायाओ बहुपढियाओ बहूणि गामागरणगर जाव संणिवेसाई आहिण्डह, बहूणं राईसरतलवर जाव सत्थवाहप्पमिईणं गिहाई अणु
