________________ 866 अनंगपविटुसुसाणि विहरसि तो गं तुज्झ इयाणिं सुपव्वइयं भवेजा / तए णं से देवे सोमिलं बंदइ णमंसइ वं० 2 त्ता जामेव दिसिं पाउम्भूए तामेव दिसिं पडिगए / * तए णं सोमिले माहणरिसी तेणं देवेणं एवं वुत्ते समाणे पुव्वपडिवण्णाई पंच अणुव्वयाइं० सयमेवं उवसंपज्जित्ताणं विहरइ // 107|| तए णं से सोमिले दहहिं च उत्थट्टम जाव मासद्धमासखमणेहिं विचित्तेहिं तवोवहाणेहिं अप्पाणं भावेमाणे बहूई वासाई समणोवासगपरियागं पाउणइ 2 त्ता अद्धमासियाए संलेहणाए अत्ताणं झुसेइ 2 त्ता तीसं भत्ताई अणसणाए छेएइ 2 त्ता तस्स ठाणस्स अणालोइयपडिक्कंते विराहियसम्मत्ते कालमासे कालं किच्चा सुक्कवडिंसए विमाणे उववायसभाए देवसयणिज्जंसि जाव ओगाहणाए सुक्कमहग्गहत्ताए उववण्णे // 108 // तए णं से सुक्के महग्गहे अहुणोववण्णे समाणे जाव भासामणपजत्तीए..:। एवं खलु गोयमा ! सुक्केण० सा दिव्वा नाव अभिसमण्णागया। एगं पलिओवमं ठिई। सुक्के णं भंते ! महग्गहे तओ देवलोगाओ आउक्खएणं 3 काहं गच्छिहिइ 2 1 गोयमा ! महाविदेहे वासे सिज्झिहिइ 5 / णिक्खेवओ॥१०९|| तइयं अज्झयणं समत्तं / / 3 // 3 // चउत्थं अज्झयणं जइ णं भंते ! उक्खेवओ। एवं एलु जंबू ! तेणं कालेणं तेणं समएणं रायगिहे णामं णयरे / गुणसिलए चेइए / सेणिए राया / सामी समोसढे / परिसा णिग्गया // 110 // तेणं कालेणं तेणं समएणं बहुपुत्तिया देवी सोहम्मे कप्पे बहुपुत्तिए विमाणे सभाए सुहम्माए बहुपुत्तियसि सीहासणंसि चाहं सामाणियसाहस्सीहि चउहिं महत्तरियाहिं जहा सूरियाभे जाव भुंजमाणी विहरइ, इमं च णं केवलकप्पं जम्बुद्दीवं दीवं विउलेणं ओहिणा आभोएमाणी 2 पासइ 2 त्ता समणं भगवं महावीरं जहा सूरियाभो जाव णमंसित्ता सीहासणवरंसि पुरत्थाभिमुहा संणिसण्णा। आभिओगा जहा सूरियाभस्स, सूसरा घण्टा, आभिओगियं देवं सद्दावेद, जाणविमाणं जोयणसहस्सवित्थिण्णं, जाणविमाणवण्णओ जाव उत्तरिल्लेणं णिजाणमग्गेणं जोयणसाहस्सिएहिं विग्गहेहिं आगया जहा सूरियाभे / धम्मकहा सम्मत्ता। तए णं सा बहुपुत्तिया देवी दाहिणं भुयं पसारेइ देवकुमाराणं अट्ठसयं, देवकुमारियाण य वामाओ भुयाओ अहसयं, तयाणंतरं च णं बहवे दारगा य दारियाओ य डिम्भए य डिम्भियाओ य विउव्वइ, णट्टविहिं जहा सूरियाभो उवदंसित्ता पडिगया // 111 // भंते !
