________________ पुप्फियाओ अ. 3 865 तुसिणीए संचिट्ठइ / तए णं तस्स सोमिलस्स पुव्वरत्तावरक्तकाले एगे देवे अंतियं पाउभवित्था, तं चेव भणइ जाव पडिगए / तए णं से सोमिले जाव जलंते वागलवत्थणियत्थे किढिणसंकाइयं जाव कट्ठमुद्दाए मुहं बंधइ 2 त्ता उत्तराए दिसाए उत्तराभिमुहे संपत्थिए // 104 // तए से सोमिले चउत्थदिवसपुव्वावरण्हकालसमयंसि जेणेव वडपायवे तेणेव उवागए, वडपायवस्स अहे किढिण० ठवेइ 2 त्ता वेइं वढेइ, उवलेवणसंमजणं करेइ जाव कट्ठमुद्दाए मुहं बंधइ, तुसिणीए संचिट्ठइ / तए णं तस्स सोमिलस्स पुव्वरत्तावरत्तकाले एगे देवे अंतियं पाउन्भवित्था, तं चेव भणइ जाव पडिगए / तए णं से सोमिले जाव जलंते वांगलबत्थणियत्थे किढिणसंकाइयं जाव कट्ठमुद्दाए मुहं बंधह 2 त्ता उत्तराए 0 उत्तराभिमुहे संपत्थिए // 105 // तए णं से सोमिले पंचमदिवसम्मि पुव्वावरण्हकालसमयंसि जेणेव उम्बरपायवे तेणेव उवागच्छइ, उम्बरपायवस्स अहे किढिणसंकाइयं ठवेइ, वेई बड्लेइ जाव कट्ठमुद्दाए मुहं बंधइ जाव तुसिणीए संचिट्ठइ / तए णं तस्स सोमिलमाहणस्स पुवरत्तावरत्तकाले एगे देवे जाव एवं वयासी-ह. भो सोमिला ! पव्वइया ! दुप्पव्व इयं ते, पढम भणइ तहेव तुसिणीए संचिट्ठइ / देवो दोच्चपि तच्चपि वयइसोमिला ! पव्वइया ! दुप्पव्वइयं ते / तए णं से सोमिले तेणं देवेणं दोच्चंपि तच्चपि एवं वुत्ते समाणे तं देवं वयासी-वह णं देवाणु प्पिया ! मम दुप्पवयं ? / तए णं से देवे सोमिलं माहणं एवं वयासी-एवं खलु देवाणुप्पिया ! तुमं पासस्स अरहओ पुरिसादाणीयस्स अंतियं पंचाणुव्वए सत्तसिक्खावए दुवालसविहे सावय. धम्मे पडिवण्णे, तए णं तव अण्णया कयाइ असाहुदंसणेण० पुव्वरत्तावरत्तकाल. समयसि कुडुम्बजागरियं जाव पुत्वचिंतियं देवो उच्चारेइ जाव जेणेव असोगवरपायवे तेणेव उवागच्छसि 2 त्ता किढिणसंकाइयं जाव तुसिणीए संचिट्ठसि, तए णं पुव्वरत्तावरत्तकाले तव अंतियं पाउब्भवामि, हं भो सोमिला ! पव्वइया! दुप्पव्वइयं ते, तह चेव देवो णियवयणं भणइ जाव पंचमदिवसम्मि पुवावरणहकालसमयंसि जेणेव उम्बरपायवे तेणेव उवागए किढिणसंकाइयं ठवे सि, वेइं वसि, उवलेवणं० * करेसि 2 ता कट्ठमुद्दाए मुहं बंधेसि 2 ता तुसिणीए संचिट्ठसि, तं एवं खलु देवा णुप्पिया ! तव दुप्पव्वइयं // 106 // तए णं से सोमिले तं देवं एवं वयासी-कहं .. णं देवाणुप्पिया ! मम सुपव्वइयं ? तए णं से देवे सोमिलं एवं वयासी-जहणं तुम . देवाणुप्पिया ! इयाणिं पुब्बपडिवण्णाई पंच अणुब्वयाई० सयमेव उवसंपज्जित्ताणं
