________________ पुफियाओ अ. 3 861 सुक्के महग्गहे सुक्वडिसए विमाणे सुक्कंसि सीहासणंसि चउहिँ सामाणियसाहसीहिं जव चंदो तहेव आगओ, णट्टविहिं उवदंसित्ता पडिगओ। भंते ! त्ति / कूडागारसाला। पुव्वभवपुच्छा / एवं खलु गोयमा ! तेणं कालेणं तेणं समएणं वाणारसी णामं गयरी होत्था। तत्थ णं वाणारसीए णयरीए सोमिले णामं माहणे परिवसइ, अड्ढे जाव अपरिभूए, रिउव्वेय जाव सुपरिणिट्टिए। पासे समोसढे। परिसा पज्जुवासह // 94 // तए णं तस्स सोमिलस्स माहणस्स इमीसे कहाए लद्धट्ठस्स समाणस्स इमे एयारूवे अज्झथिए०-एवं खलु पासे अरहा पुरिसादाणीए पुव्वाणुपुट्विं जाव अम्बसालवणे विहरइ,तं गच्छामि णं पासस्स अरहओ अंतिए पाउब्भवामि, इमाइं च णं एयारवाई अट्ठाई हेऊइं जहा पण्णत्तीए।सोमिलो णिग्गओ खण्डियविहूणो जाव एवं वयासीजत्ता ते भंते ! जवणिज्नं च ते ? पुच्छा / संरिसवया मासा कुलत्था एगे भवं जाव संबुद्धे साबगधम्म पडिवज्जित्ता पडिगए // 95 // तए णं पासे णं अरहा अण्णया कयाइ वाणारसीओ णयरीओ अम्बसालवणाओ चेइयाओ पडिणिक्खमइ 2 त्ता बहिया जणवयविहारं विहरइ / तए णं से सोरि ले माहणे अण्णया कयाइ असाहुदंसणेण य अपज्जुवासणयाए य मिच्छत्तपजवेहिं परिवड्डमाणेहिं 2 सम्मत्तपजवेहि परिहायमाणेहिं 2 मिच्छत्तं च पडिवण्णे // 96 // तए णं तस्स सोमिलस्स माहणस्स अण्णया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झथिए जाव समुप्पज्जित्था एवं खलु. अहं वाणारसीए णयरीए सोमिले णामं माहणे अच्चंतमाहणकुलप्पसूए, तए णंमए वयाई चिण्णाई, वेया य अहिया, दारा आहूया, पुत्ता जणिया, इडीओ समाणीयाओ, पसुव[ बन]धाकया, जण्णा जेट्ठा, दक्षिणा दिण्णा, अतिही पूइया, अग्गी हूया, जूवा णिक्खित्ता, तं सेयं खलु मम इयाणि कल्लं जाव जलंते वाणारसीए णयरीए बहिया बहवे अम्बारामा रोवावित्तए,एवं माउलिंगा बिल्ला कविट्ठा चिंचा पुप्फारामा रोवावित्तए,एवं संपेहेइ 2 त्ता कल्लं जाव जलंते वाणारसीए णयरीए बहिया अम्बारामे य जाव पुप्फारामे य रोवावेइ / तए णं बहवे अम्बारामा य जाव पुप्फारामा य अणुपुट्वेणं सारक्खिजमाणा संगोविजमाणा संवड्डिजमाणा आराम जाया किण्हा किण्होभासा जाव रम्मा महामेहणिकुरम्बभूया पत्तिया पुफिया फलिया हरिथगरेरिजमाणसिरीया अईव 2 उपसोभेमाणा 2 चिट्ठति // 97 // तए णं तस्स सोमिलस्स माहंणस्स अण्णया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झथिए जाव समुप्पज्जित्था एवं खलु अहं
