________________ 618 अनंगपविट्ठसुत्ताणि रमणिज्जे भूमिभागे होत्था, सो चेव गमो णेयव्यो णाणत्तं दो धणुसहस्साइं उड्डे उच्चत्तेणं, तोर्स च मणुयाणं चउसटिपिट्ठकरंडगा चउत्थभत्तस्स आहारट्टे समुप्पजइ ठिई पलिओवमं एगूगासीई राइंदियाइं सारक्खंति संगोवेति जाव देवलोगपरिम्गः हिया णं ते माया पण्णत्ता समणाउसो !, तीसे णं भंते ! समाए पच्छिमे तिभाए भरहस्स वासस्स केरिसए आयारभावपडोयारे होत्था ? गोयमा ! बहुसमरमणिज्जे भूमिभागे होत्था, से जहाणामए-आलिंगपुक्खरेइ वा जाव मणीहिं उवसोभिए, तंजहा-कित्तिमहिं चेव अकित्तिमहिं चेव, तीसे णं भंते ! समाए पच्छिमे तिभागे भरहे वासे मणुयाणं केरिसए आयारभावपडोयारे होत्था ? गोयमा ! तोर्स मणुयाणं छब्विहे संघयणे छविहे संठाणे बहूणि धणुसयाणि उठं उच्चत्तेणं जहण्णेणं संखिजाणि वासाणि उक्कोसेणं असंखिजाणि वासाणि आउयं पालेति पालित्ता अप्पेगइया णिरयगामी अप्पेगइया तिरियगामी अप्पेगइया मणुस्सगामी अप्पेगइया देवगामी अप्पेगइया सिझंति जाव सव्वदुक्खाणमंतं करेंति // 27 // तीसे णं समाए पच्छिमे तिभाए पलिओवमट्ठभागावसेसे एत्थ णं इमे पण्णरस कुलगरा समुप्पज्जित्था, तंजहा-सुमई 1 पडिस्सुई 2 सीमंकरे 3 सीमंधरे 4 खेमंकरे 5 खेमंधने 6 विमलवाहणे 7 चक्खुमं 8 जसमं 9 अभिचंदे 10 चंदाभे 11 पसेणई 12 मरुदेवे 13 णाभी 94 उसमे 15 त्ति // 28 // तत्थ णं सुमइपडिस्सुइसीमंकरसीमंधरखेमकराणं एएसिं पंचण्हं कुलगराणं हक्कारे णामं दण्डीई होत्था, ते णं मणुया हक्कारेणं दंडेणं हया समाणा लज्जिया विलज्जिया वेड्डा भीया तुसिणीया विणओणया चिटुंति, तत्थ णं खेमंधरविमलवाहणचक्खुमजसमअभिचंदाणं एएसि णं पंचण्हं कुलगराणं मक्कारे णामं दंडणीई होत्था, ते णं मणुया मक्कारेणं दंडेणं या समांणा जाव चिटुंति, तत्थ ण चंदाभपसेणइमरुदेवणाभिउसभाणं एएसि णं पंचण्हं कुलगराणं धिक्कारे णाम दंडणीई होत्था, ते णं मणुया धिक्कारेणं दंडेणं हया समाणा जाव चिटुंति // 29 // णाभिस्स णं कुलगरस्स मरुदेवाए भारियाए कुच्छिसि एत्थ णं उसहे णामं अरहा कोसलिए पढमराया पढमजिणे पढमकेवली पढमतित्थयरे पढमधम्मवरचक्कवट्टी समुप्पज्जित्था तए णं उसभे अरहा कोसलिए वीसं पुव्वसयसहस्साई कुमारवासमझे वसइ वसइत्ता तेवढेि पुव्वसयसहस्साई महारायवासमझे वसइ, तेवढेि पुव्वसयसहस्साई महारायवासमझे वसमाणे लेहाइयाओ गणियप्पहाणाओ सउणरुयपजवसाणाओ बावत्तरि कलाओ चोसटुिं महिलागुणे सिप्पसयं च कम्माणं तिण्णिवि पयाहियाए उवदिसइ
