________________ जंबुद्दीवपण्णत्ती व. 2 617 भंते ! समाए भारहे वासे मणुयाणं सरीरा केवइयं उच्चत्तेणं पण्णत्ता ! गोयमा ! जहण्णेणं देसूणाई तिण्णि गाउयाइं उक्कोसेणं तिण्णि गाउयाई, ते णं भंते ! मणुया किंसंघयणी पण्णत्ता ? गोयमा! वइरोसभणारायसंघयणी पण्णत्ता, तेसि णं भंते ! मणुयाणं सरीरा किंसंठिया पण्णत्ता गोयमा ! समचउरंससंठाणसंठिया पण्णत्ता, तेसि णं मणुयाणं बेछप्पण्णा पिट्ठकरंडयसया पण्णत्ता समणासो!, ते णं भंते ! मणुया कालमासे कालं किच्चा कहिं गच्छंति कहिं उववज्जति ? गो० ! छम्मासावसेसाउया जुयलगं पसवंति, एगूणपण्णं राइंदियाइं सारक्खंति संगोवेति सा०२ त्ता कासित्ता छीइत्ता जंभाइत्ता अक्किट्ठा अव्वहिया अपरियाविया कालमासे कालं किच्चा देवलोएसु उववज्जति, देवलोयपरिगहिया णं ते मणुया पण्णत्ता०, तीसे गंभंते ! समाए भारहे वासे कइविहा मणुस्सा अणुसज्जित्था ? गो० !छन्विहा प०, तं०-पम्हगंधा 1 मियगंधा 2 अममा 3 तेयतली 4 सहा 5 सणिचारी 6 // 25 // तीसे णं समाए चउहिं सागरोवमकोडाकोडीहिं काले वीइक्कते अणंतेहिं वण्णपजवेहिं अणतेहिं गंधपजवहिं अणंतोहं रसपजवेहिं अगतेहिं फासपजवेहिं अणंतेहिं संघयणपत्रवेहि अणंतेहिं संठाणपजवेहिं अणंतेहिं उच्चत्तपजवेहि अणंतेहिं आउपजवेहिं अणंतेहिं गुरुलहपजवेहिं अणंतेहिं अगुरुलहुपजवेहिं अणंतेहिं उठाणकम्मबलवीरियपुरिसक्कारपरक्कमपजवहिं अणंतगुणपरिहाणीए परिहायमाणे 2 एत्थ णं सुसमा णामं समाकाले पडिवज्जिसु समणाउसो !, जंबुद्दीवे णं भंते ! दीवे इमीसे ओसप्पिणीए सुसमाए समाए उत्तमकंट्ठपत्ताए भरहस्स वासस्स केरिसए आयारभावपडोयारे होत्था ? गोयमा ! बहुसमरमणिज्जे भूमिभागे होत्था, से जहाणामए-आलिंगपुक्खरेइ वा तं चेव जं सुसमसुसमाए धुव्ववण्णियं, णवरं णाणत्तं-चउधणुसहस्समूसिया, एगे अट्ठावीसे पिट्ठकरंडयसए, छट्ठभत्तस्स आहारट्टे, चउसाद राइंदियाइं सारक्खंति, दो " पलिओवमाई आऊ, सेसं तं चेव, तीसे णं समाए चउब्विहा मणुस्सा अणुसज्जित्था, तंजहा-एगा 1 पउरजंघा 2 कुसुमा 3 सुसमणा 4 // 26 // तीसे णं. समाए तिर्हि सागरोवमकोडाकोडीहिं काले वीइक्कंते अणंतेहिं वण्णपजवेहिं जाव अणंतगुणपरिहाणीए परिहायमाणी 2 एत्थ णं सुसमदुस्समा णामं समा पडिवज्जिसु समणाउसो!, सा णं समा तिहा विभजइ-पढमे तिभाए 1 मज्झिमे तिभाए 2 पच्छिमे तिभाए 3. जंबद्दीवे णं भंते ! दीवे इमीसे ओसप्पिणीए सुसमदुस्समाए समाए पढममज्झिमेसु तिभाएसु भरहस्स वासस्स केरिसए आयारभावपडोयारे पुच्छा, गोयमा ! बहुसम
