________________ पूटिफयाओ तइओ वग्गो-पढ मं अज्झयणं जइ णं भंते ! समणेणं भगवया जाव संपत्तेणं उवंगाणं दोच्चस्स वग्गस्स कप्पवडि सियाणं अयमढे पण्णत्ते, तच्चस्स णं भंते ! वग्गस्स उवंगाणं पुष्फियाणं के अद्वे पण्णत्ते ? एवं खलु जंबू ! समणेणं जाव संपत्तेणं उवंगाणं तच्चस्स वग्गस्स पुष्फियाणं दस अज्झयणा पण्णत्ता, तंजहा-चंदे सूरे सुक्के बहुपुत्तिय पुण्ण माणिभद्दे य / दत्ते सिवे बले या अणाढिए चेव बोद्धव्वे // 1 // ज़इ णं भंते ! समणेणं जाव संपत्तेणं पुफियाणं दस अज्झयणा पण्णत्ता, पढमस्स णं भंते !...समणेणं जाव संपत्तेणं के अढे पण्णत्ते ? एवं खलु जम्बू ! तेणं कालेणं तेणं समएणं रायगिहे णाम णयरे / गुणसिलए चेइए / सेर्णिए राया। तेणं कालेणं तेणं समएणं सामी समोसढे / परिसा णिग्गया / तेणं कालेणं तेणं समएणं चंदे जोइसिंदे जोइसराया चंदवसिए विमाणे सभाए सुहम्माए चंदंसि सीहासणंसि चउहिं सामाणियसाहस्सीहिं जाव विहरइ / इमं च णं केवलकप्पं जम्बुद्दीवं दीवं विउलेणं ओहिणा आभोएमाणे 2 पासइ 2 त्ता समणं भगवं महावीरं जहा सूरियाभे आभिओगे देवे सद्दावेत्ता जाव सुरिंदाभिगमणजोग्गं करेत्ता तमाणत्तियं पञ्चप्पिणंति / सूसरा घण्टा जाव विउव्वणा, णवरं जाणविमाणं जोयणसहस्सवित्थिण्णं अद्धतेवट्ठिजोयणसमू सियं, महिंदज्झओ पणुवीसं जोयणमूसिओ, सेसं जहा सूरियाभस्स जाव आगओ, णट्टविही तहेव पडिगओ // 86 // भंते ! त्ति भगवं गोयमे समणं भगवं महावीरस्स पुच्छा। कुडागारसाला / सरीरं अणुपविट्ठा / पुव्वभवो / एवं खलु गोयमा ! तेणं कालेणं तेणं समएणं सावत्थी णाम णयरी होत्था। कोट्ठए चेइए / तत्थ णं सावत्थीए। अंगई णामं गाहावई होत्था, अड्डे जाव अपरिभूए / तए णं से अंगई गाहावई सावत्थीए णयरीए बहूणं णगरणिगम० जहा आणंदो // 87 // तेणं कालेणं तेणं समएणं पासे णं अंरहा पुरिसादाणीए आइगरे जहा महावीरो णवुस्सेहे सोलसेहिं समणसाहस्सीहिं अद्वतीसाए अज्जियासहस्सेहिं ज़ाव कोट्ठए समोसढे / परिसा णिग्गया // 88 // तए णं से अंगई गाहावई इमीसे कहाए लद्धढे समाणे हटे जहा
