________________ कम्पवडिंसियाओ बीओ वग्गो-पढमं अज्झयणं जइणं भंते! समणेणं भगवया जाव संपत्तेणं उवंगाणं पढमस्स वग्गस्स णिरयावलियाणं अयमढे पण्णत्ते, दोच्चस्स णं भंते ! वग्गस्स कप्पवडिं सियाणं समणेणं जाव संपत्तेणं कइ अज्झयणा पण्णत्ता 1 एवं खलु जम्बू ! समणेणं भगवया जाव संपत्तेणं कम्पवडिं सियाणं दस अज्झयणा पण्णत्ता,तंजहा-पउमे १,महापउमे 2, भद्दे 3 सुभद्दे 4, पउमभद्दे 5, पउमसेणे 6, पउमगुम्मे 7, णलिणिगुम्मे 8, आणंदे ९णंदणे 10 // 77 // जहणं मंते ! समणेणं जाव संपत्तेणं कप्पवडिंसियाणं दस अज्झयणा पण्णत्ता, पढमस्स णं भंते ! अज्झयणस्स कप्पवडिंसियाणं समणेण भगवया जाव संपत्तेणं के अटे पण्णत्ते ? एवं खलु जम्बू ! तेणं कालेणं तेणं समएणं चम्पा णामं णयरी होत्था / पुण्णभद्दे चेइए / कृणिए राया। पउमावई देवी। तत्थ णं चम्पाए णयरीए सेणियस्स रण्णो भजा कूणियस्स रण्णो चुल्लमाउया काली णामं देवी होत्था, सुउमाल० / तीसे णं कालीए देवीए पुत्ते काले णामं कुमारे होत्था, सुउमाल० / तस्स णं कालस्स कुमारस्स पउमावई णामं देवी होत्था, सोमाल० जाव विहरह // 78 // तए णं सा पउमावई देवी अण्णया कयाई तंसि तारिसगंसि वासघरंसि आभंतरओ सचित्तकम्मे जाव सीहं सुमिणे पासित्ताणं पडिबुद्धा / एवं जम्मणं जहा महाबलस्स जाव णामधेज्ज-जम्हा णं अम्हं इमे दारए कालस्स कुमारस्स पुत्ते पउमावईए देवीए अंत्तए तं होउ णं अम्हं इमस्स दारगस्स णामधेज्जं पउमे पउमे, सेसं जहा महाबलस्स,अट्ठओ दाओ जाव उम्पिं पासायवरगए विहरइ / सामी समोसरिए / परिसा णिग्गया। कृणिए णिग्गए। पउमेवि जहा महाबले णिग्गए तहेव अम्मापिइआपुच्छणा जाव पव्वइए अणगारे जाए जाव गुत्तबम्भयारी // 79 // तए णं से पउमे अणगारे समणस्स भगवओ महावीरस्स तहारूवाण थेराणं अंतिए सामाइयमाइयाई एक्कारस अंगाई अहिजइ २त्ता बहूहिँ चउत्थछट्टम० जाव विह. रइ // .80 // तए णं से पउमे अणगारे तेणं ओरालेणं जहा मेहो तहेव धम्मजागरिया चिंता एवं जहेव मेहो तहेव समणं भगवं० आपुच्छित्ता विउले जाव पाओवगए समाणे तहारूवाणं थेराणं अंतिए सामाइयमाइयाइं एक्कारसअंगाई बहुपडि
