________________ णिरयावलियाओ व. 1 अ.१ . 855 कुमारं पेसेमो ? उदाहु जुज्झित्था // 65 // तए णं णव मल्लई णव लेच्छई कासीकोसलगा अट्ठारसवि गणरायाणो चेडगं रायं एवं वयासी-ण एवं सामी ! जुत्तं वा पत्तं वा रायसरिसं वा ज णं सेयणगं अट्ठारसर्वकं कूणियस्स रण्णो पञ्चप्पिणिजइ वेहल्ले य कुमारे सरणागए पेसिजइ, तं जइ णं कूणिए राया चाउरंगिणीए सेणाए सद्धिं संपरिबुडे जुज्झसज्जे इहं हब्वमागच्छइ, तए णं अम्हे कूणिएणं रण्णा सद्धिं जुज्झामो // 66 // तए णं से चेडए रामा ते णव मलई णव लेच्छई कासीकोसलगा अट्ठारसवि गणरायाणो एवं वयासी-जइ णं देवा०! तुम्मे कूणिए रण्णा सद्धिं जुज्झह तं गच्छह णं देवा० ! सएसु 2 रज्जेसु ण्हाया जहा कालाईया जाव जएणं विजएणं वद्धावेति / तए णं से चेडए राया कोडुम्बियपुरिसे सद्दावेइ 2 प्ता एवं वयासी-आमिसेक्कं जहा कूणिए जाव दुरूढे 67 // तएणं से चेडए राया तिहिं दंतिसहस्सेहिं जहा कूणिए जाव वेसालिं णयरिं मझमज्झेणं णिग्गच्छइ 2 ता जेणेव ते णव मलई णव लेच्छई कासीकोसलगा अट्ठारसवि गणरायाणो तेणेव उवागच्छइ / तए से चेडए राया सत्तावण्णाए दंतिसहस्सेहिं सत्तावण्णाए आससहस्सेहिं सत्तावण्णाए रहसहस्सेहि सत्तावण्णाए मणुस्सकोडीहिं सद्धिं संपरिबुडे सव्विड्डीए जाव रवेणं सुभेहिं वसहीहिं पायरासेहिं णाइविगिटेहिं अंतरेहि वसमाणे 2 विदेहं जणवयं मझंमज्झेणं जेणेव देसपंते तेणेव उवागच्छइ २त्ता खंधावारणिवेसणं करेइ 2 त्ता कुणिय रायं पडिवालेमाणे जुज्झसज्जे चिट्ठइ // 68 // तए णं से कूणिए राया सव्विड्डीए जाव खेणं जेणेव देसपंते तेणेव उवागच्छइ 2 त्ता चेडयस्स रण्णो जोयणंतरियं खंधांवारणिवेसं करेइ // 69 // तए णं ते दोण्णिवि रायाणो रणभूमि सजावेति 2 त्ता रणभूमि नयंति / तए णं से कूणिए राया तेत्तीसाए दंतिसहस्सेहिं जाव मणुस्सकोडीहिं गरुलवूह रएइ 2 त्ता गरुलचूहेणं रहमुसलं संगामं उवायाए / तए णं से चेडगे राया सत्तावण्णाए दंतिसहस्सेहिं जाव सत्तावण्णाए मणुस्सकोडीहिं सगडवूहं रएइ 2 त्ता सगडवूहेणं रहमुसलं संगामं उवायाए / तए णं ते दोण्हवि राईणं अणीया संणद्ध० जाव गहियाउहपहरणा मंगइएहिं फ्लएहिं णिक्कट्ठाहिं . असीहिं अंसागएहिं तोणेहिं सजीवेहिं धणूहिँ समुक्खित्तेहिं सरहिं समुल्लालियाहिं डावाहिँ ओसारियाहिं ऊरुघण्टाहिं छिप्पतूरेणं वजमाणेणं महया उक्किट्ठसीहणायबोलकलकलरवेणं समुद्दरवभूयं पिव करेमाणा सविट्टीए जाव रवेणं हयगया हयगएहिं गयगया गयगएहिं रहगया रहगएहिं पायत्तिया पायत्तिएहिं अण्णमण्णेहिं
