________________ 854 अनंगपविट्ठसुत्ताणि अम्हं चेडगस्स रण्णो जुत्तं गिणिहत्तए / तए णं कालाईया दस कुमारा कूणियस्स रण्णो एयमढे विणएणं पडिसुणेति // 60 // तए णं से कूणिए राया कालाइए दस कुमारे एवं वयासी-गच्छह णं तुम्भे देवाणुप्पिया ! सएसु सएसु रज्जेसु पत्तेये पत्तेयं ण्हाया . जाव पायच्छित्ता हत्थिखंधवरगया पत्तेयं 2 तिहिं दंतिसहस्सेहिं एवं तिहिं रहसहस्सेहि तिहिं आससहस्सेहिं तिहिं मणुस्सकोडीहिं सद्धिं संपरित्रुडा सव्विड्डीए जाव रवेणं सएहिंतो२ णयरोहितो पडिणिक्खमह 2 ताममं अंतिय पाउन्भवह।।६१।। तए णं ते कालाईया दस कुमारा कूणियस्स रण्णो एयमटुं सोचा सएसु 2 रज्जेसु पत्तेयं 2 ण्हाया जाव तिहिं मणुस्सकोडीहिं सद्धिं संपरिवुडा सव्विड्डीए जाव रवेणं सएहिंतो 2 णयरोहितो पडिणिक्खमंति 2 ता जेणेव अंगा जणवए जेणेव चम्पा णयरी जेणेव कूणिए राया तेणेव उवागया करयल० जाव वद्धावेति // 62 // तए णं से कूणिए राया कोडुम्बियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! आभिसेवक हत्थिरयणं पडिकप्पेह, हयगयरहजोहचाउरंगिणिं सेणं संणाहेह, ममं एयमाणत्त्यिं पच्चप्पिणह जाव पच्चप्पिणंति / तए णं से कृणिए राया जेणेव मजणघरे तेणेव उवागच्छइ जाव पडिणिग्गच्छित्ता जेणेव बाहिरिया उवट्ठाणसाला जाव णरवई दुरूढे // 63 // तए णं से कुणिए राया तिहिं दंतिसहस्सेहिं जाव रवेणं चम्पं णयरिं मझंमज्झेणं. णिग्गच्छइ 2 त्ता जेणेव कालाईया दस कुमारा तेणेक् उवागच्छइ 2 कालाइ. एहिं दसहिं कुमारेहिं सद्धिं एगओ मेलायति / तए णं से कूणिए राया तेत्तीसाए दंतिसहस्सेहिं तेत्तीसाए आससहस्सेहिं तेत्तीसाए रहसस्सेहिं तेत्तीसाए मणुस्सकोडीहिं सद्धिं संपरित्रुडे सव्विड्डीए जाव रवेणं सुभेहिं वसहीहिं सुभेहिं पायरासेहिं णाइविगिट्टहिं अंतरावासेहिं वसमाणे 2 अंगजणवयस्स मज्झंमज्झेणं जेणेव विदेहे जणवए जेणेव वेसाली णयरी तेणेव पहारेत्थ गमणाए // 64 // तए णं से चेडए राया इमीसे कहाए लढे समाणे णव मलई णव लेच्छई कासीकोसलगा अट्ठारसवि गणरायाणो सद्दावेइ 2 त्ता एवं वयासी-एवं खलु देवाणु प्पिया ! वेहल्ले कुमारे कूणियस्स रण्णो असंविदिएणं सेयणगं० अट्ठारसवंकं च हारं गहाय इहं हव्वमागए, तए णं कूणिएणं सेयणगस्स अट्ठारसवंकस्स य अट्ठाए तओ दूया पेसिया, ते य मए इमेणं कारणेणं पडिसेहिया, तए णं से कूणिए ममं एयमढे अपडिसुणमाणे चाउरंगिणीए सेणाए सद्धिं संपरिवुडे जुज्झसज्जे इहं हव्वमागच्छइ, तं किं णं देवाणुप्पिया ! सेयणगं अट्ठारसवंकं (च) कुणियस्स रण्णो पञ्चप्पिणामो ? वेहल्लं
