________________ 852 अनंगपविट्ठसुत्ताणि ... देवाणुप्पिया ! वेसालिं णयरिं,तत्थ णं तुमं ममं अज्जं चेडगं रायं करयल०वद्धावेत्ता एवं वयाहि-एवं खलु सामी ! कूणिए राया विण्णवेइ-एस णं वेहल्ले कुमारे कूणियस्स रण्णो असंविदिएणं सेयणगं० अट्ठारसवंकं च हारं गहाय इह हव्वमागए, तए .. गं तुब्भे सामी ! कणियं रायं अणुगिण्हमाणा सेयणगं०अट्ठारसर्वकं च हारं कूणियस्स रण्णो पच्चप्पिणह वेहल्लं कुमारं च पेसेह ॥५०॥तए णं से दूए कुणिएणं०करयल० जाव पडिसुणित्ता जेणेव सए गिहे तेणेव उवागच्छइ २त्ता जहा चित्तो जाव वद्धावेत्ता एवं वयासी-एवं खलु सामी ! कृणिए राया विण्णवेइ-एस णं वेहल्ले कुमारे तहेव भाणियव्वं जाव वेहल्लं कुमारं च पेसेह // 51 // तए णं से चेडए राया तं दूयं एवं वयासी-जह चेव णं देवाणुप्पिया ! कृणिए राया सेणियस्स रण्णो पुत्ते चेल्लणाए देवीए अत्तए ममं णक्षुए तहेव णं वेहल्लेवि कुमारे सेणियस्स रण्णो पुत्ते चेलणाए देवीए अत्तए मम णत्तुए,सेणिएणं रण्णा जीवंतेणं चेव वेहल्लस्स कुमारस्स सेयणगे गंधहत्थी अट्ठारसवंके य हारे पुन्वदिण्णे, तं जइ णं कूणिए राया वेहलस्स रजस्स य रहस्स य जणवयस्स य अद्धं दलयइ तो णं अहं सेयणगं० अट्ठारसवंकं च हारं कुणियस्स रण्णो पच्चप्पिणामि वेहल्लं च कुमारं पेसेमि / तं दूयं सक्कारेइ संमाणेइ पडिविसज्जेइ // 52 // तए णं से दूर चेडएणं रण्णा पडिविसज्जिए समाणे जेणेव चाउग्घण्टे आसरहे तेणेव उवागच्छइ 2 त्ता चाउग्घण्टे आसरहं दुरूहइ 2 त्ता वेसालिं णयरिं मझमझेणं णिग्गच्छइ 2 त्ता सुभेहि वसहीहिं पायरासेहिं जाव वद्धावेत्ता एवं वयासी-एवं खलु सामी ! चेडए राया आणवेइ-जह चेव णं कूणिए राया सेणियस्स रण्णो पुत्ते चेल्लणाए देवीए अत्तए मम णत्तुए, तं चेव भाणियव्वं जाव वेहल्लं च कुमारं पेसेमि, तं ण देइ णं सामी ! चेडए राया सेयणगं० अट्ठारसवंकं च हारं वेहल्लं च णो पेसेइ // 53 // तए णं से कूणिए राया दोच्चंपि दूयं सद्दावेत्ता एवं वयासी-च्छह णं तुमं देवाणुप्पिया ! वेसालिं गयरिं, तत्थ णं तुमं मम अजगं चेडगं रायं जाव एवं वयाहि-एवं खलु सामी ! कूणिए राया विण्णवेइ-जाणि काणि रयणाणि समुप्पज्जंति सव्वाणि ताणि रायकुलगामिणि, सेणियस्स रण्णो रजसिर करेमाणस्स पालेमाणस्स दुवे रयणा समुप्पण्णा, तंजहांसेयणए गंधहत्थी अट्ठारसवंके हारे, तं गं तुब्भे सामी ! रायकुलपरंपरागयं टिइयं अलोवेमाणा सेयणगं गंधहत्थिं अट्ठारसवंकं च हारं कूणियस्स रण्णो पच्चप्पिणह, वेहल्लं कुमारं पेसेह // 54 // तए णं से दूए कूणियस्स रण्णो तहेव जाव वद्धावेत्ता एवं वयासी- एवं खलु सामी ! कूणिए राया विण्णवेइ-जाणि काणि जाव वेहल्लं
