________________ णिरयावलियाओ व. 1 अ.१ 851 करयल जाव एवं वयासी-एवं खलु सामी ! वेहल्ले कुमारे सेयणएणं गंधहत्थिणा जाब अणेगेहिं कीलावणएहिं कीलावेइ, तं किं णं सामी ! अम्हं रज्जेण वा जाव जणवएण वा जइ णं अम्हं सेयणए गंधहत्थी णत्थि ?||46|| तए णं से कूणिए राया पउमावईए० एयमटुं णो आढाइ णो परिजाणाइ, तुसिणीए संचिट्ठइ / तए णं सा पउमावई देवी अभिक्खणं 2 कुणियं रायं एयमद्वं विष्णवेइ / तए णं से कूणिए राया पउमावईए देवीए अभिक्खणं 2 एयमद्वं विण्णविजमाणे अण्णया कयाइ वेहल्लं कुमारं सद्दावेइ 2 त्ता सेयणगं गंधहात्थं अट्ठारसवंकं च हारं जायइ // 47 // तए णं से वेहल्ले कुमारे कृणियं रायं एवं वयासी-एवं खलु सामी ! सेणिएणं रण्णा जीवंतेणं चेव सेयणए गंधहत्थी अट्ठारसवंके य हारे दिण्णे, तं नइ णं सामी ! तुब्मे ममं रजस्स य जाव जणवयस्स य' अद्धं दलयह तो णं अहं तुब्भं सेयणगं गंधहत्थिं अट्ठारसर्वकं च हारं दलयामि / तए णं से कृणिए राया वेहलस्स कुमारस्स एयमढे णो आढाइ णो परिजाणाइ, अभिवखणं 2 सेयणगं गंधहत्थिं अट्ठारसवंकं च हारं जायइ // 48|| तए णं तस्स वेहल्लस्स कुमारस्स कृणिएणं रण्णा अभिक्खणं अभिक्खणं सेयणगं गंधहत्थिं अट्ठारसवंकं च हारं एवं खलु अविखविउकामे णं गिहिउकामे णं उद्दाले उकामे णं ममं कूणिए राया सेयणगं गंधहत्थिं अट्ठारसर्वकं च हारं, तं जाव ताव (ण उद्दालेइ) ममं कूणिए राया सेयणगं गंधहत्थिं अट्ठारसर्वकं च हारं गहाय अंतेउरपरियालसंपरिवुडस्स सभण्डमत्तोवगरणमायाए चम्पाओ णयरीओ पडिणिक्खमित्ता वेसालीए णयरीए अजगं चेडयं रायं उवसंपज्जित्ताणं विहरित्तए, एवं संपेहेइ संपेहित्ता कुणियस्स रण्णो अंतराणि जाव पडिजागरमाणे 2 विहरइ / तए णं से वेहल्ले कुमारे अण्णया कयाइ कूणियस्स रण्णो. अंतरं जाणइ 2 त्ता सेयणगं गंधहत्थिं अट्ठारसवंकं च हारं गहाय अंतेउरपरियालसंपरित्रुडे सभण्डमत्तोवगरणमायाए चम्पाओ णयरीओ पडिणिव खमइ 2 त्ता जेणेव वेसाली णयरी तेणेव उवागच्छइ 2 त्ता वेसालीए णयरीए अजगं चेडयं रायं उवसंपज्जित्ताणं विहरइ // 49 // तए णं से कूणिए राया इमीसे कहाए लद्धडे समाणे-एवं खलु वेहल्ले कुमारे ममं असंविदिएणं सेयणगं गंधहत्थिं अट्ठारसवंकं च हारं गहाय अंतेउरपरियालसंपरिवुडे जाव अच्चगं चेऽयं रायं उसंपज्जित्ताणं विहरइ, तं सेयं खलु मम सेयणगं गंधहात्थं अट्ठारसर्वकं च हारं आणेउं दूयं पेसित्तए, एवं संपेहेइ 2 त्ता दूयं सद्दावेइ 2 त्ता एवं वयासी-गच्छह णं तुम
