________________ 850 अनंगपविट्ठसुत्ताणि करतेणं, मममूलागं चेव णं सेणिए राया कालगत्तिकट्ट ईसरतलवर जाव संधिवालसद्धिं संपरिबुडे रोयमाणे 3 महया इट्टीसकारसमुदएणं सेणियस्स रण्णो णीहरणं करेइ 2 त्ता बहूई लोइयाइं मयकिच्चाई करेइ / तए णं से कूणिए कुमारे एएणं महया मणोमाणसिएणं दुक्खेणं अभिभूए समाणे अण्णया कयाइ अंतेउरपरियालसंपरिवुडे सभण्डमत्तोवगरणमायाए रायगिहाओ पडिणिवत्रम् इ 2 त्ता जेणेव चंपा-णयरी तेणेव उवागच्छइ, तत्थवि णं विउलभोगसमिइसमण्णागए कालेणं अप्पसोए जाए यावि होत्था // 43 // तए णं से कृणिए राया अण्णया कयाइ कालाईए दस कुमारे सद्दावेइ 2 त्ता रज्जं च जाव जणवयं च एक्कारसभाए विरिंचइ 2 त्ता सयमेव रजसिरि करेमाणे पालेमाणे विहरइ // 44 // तत्थ णं चम्पाए णयरीए सेणियस्स रण्णो पुत्ते चेल्लगाए देवीए अत्तए कूणियस्स रण्णो सहोयरे कणीयसे भाया वेहले णामं कुमारे होत्था, सोमाले जाव सुरूवे / तए णं तस्स वेहल्लस्स कुमारस्स सेंणिएणं रण्णा जीवंतएणं चेव सेयणए गंधहत्थी अट्टारसवंके य हारे पुब दिण्णे / तए ण से वेहल्ले कुमारे सेयणएणं गंधहत्थिणा अंतेउरपरियालसंपरिवुडे चम्पं णयरिं मझमज्झेणं णिग्गच्छइ 2 त्ता अमिक्खणं 2 गंगं महाणइं मजणयं ओयरइ / तए णं सेयणए गंधहत्थी देवीओ सोण्डाए गिण्हइ 2 त्ता अप्पेगइयाओ पुढे ठवेइ, अप्पेगइयाओ खंधे ठवेइ, एवं कुम्भे ठवेइ, सीसे ठवेइ, दंतमुसले ठवेइ, अप्पेगइयाओ सोंडाए गहाय उई वेहासं उब्विहइ, अप्पेगइयाओ सोण्डागयाओ अंदोलावेइ, अप्पेगइयाओ दंतंतरेसु णीणेइ, अप्पेगइयाओ सीभरेणं ण्हाणेइ, अप्पेगइयाओ अणेगेहिं कीलावणेहिं कीलावेइ / तए णं चम्पाए' णयरीए सिंघाडगतिगचउक्कचच्चरमहापहपहेसु बहुजणो अण्णमण्णस्स एवमाइक्खइ जाव परूवेइ-एवं खलु देवाणुप्पिया ! वेहल्ले कुमारे सेयणएणं गंधहत्थिणा अंतेउर० तं चेव जाव अणेगेहिं कीलावणएहिं कीलावेइ, तं एस णं वेहल्ले कुमारे रजसिरिफलं पञ्चणुभवमाणे विहरइ, णो कूणिए राया // 45 // तए णं तीसे पउमावईए देवीए इमीसे कहाए लद्धट्ठाए समाणीए अयमेयारूवे जाव समुप्पज्जित्था-एवं खलु वेहल्ले कुमारे सेयणएणं गंधहत्थिणा जाव अणेगेहिं कीलावणएहिं कीलावेइ, तं एस णं वेहल्ले कुमारे रजसिरिफलं पच्चणुभवमाणे विहरइ, णो कुणिए राया, तं किं णं अम्हं रज्जेण वा जाव जणवएण वा जइ णं अम्हं सेयणगे गंधहत्थी णत्थि ? तं सेयं खलु ममं कूणियं रायं एयमढे विण्णवित्तएत्तिकट्ट एवं संपेहेइ 2 त्ता जेणेव कूणिए राया तेणेव उवागच्छइ २त्ता
