________________ __.. णिरयावलियाओ व. 1 अ.१ . 846 देवीए पायग्गहणं करेइ रत्ता चेल्लणं देवि एवं वयासी-किं णं अम्मो ! तुम्हं ण तुट्टी वा ण ऊसए वा ण हरिसे वा ण आणंदे वा, जं णं अहं सयमेव रज सिरिं जाव विहरामि 1 // 37 // तए णं सा चेलणा देवी कूणियं रायं एवं वयासी-कहं णं पुत्ता !ममं तुट्ठी वा ऊसए वा हरिसे वा आणंदे वा झविस्सइ ज णं तुमं सेणियं रायं पियं देवयं गुरुजणगं अच्चतंणेहाणुरागरत्तं णियलबंधणं करित्ता अप्पाणं महया 2 रायाभिसेएणं अभिसिंचावेसि ? / / 38 // तए णं से कूणिए राया चेल्लणं देवि एवं वयासी-घाएउकामे णं अम्मो ! मम सेणिए राया, एवं मारेउ० बंधिउ० णिच्छुभिउकामे णं अम्मो ! ममं सेणिए राया, तं कहं णं अम्मो ! ममं सेणिए राया अच्चतंणेहाणुरागरत्ते // 39 // तए णं सा चेल्लणा देवी कृणियं कुमारं एवं वयासीएवं खलु पुत्ता ! तुमंसि ममं गन्भे आभूए. समाणे तिण्हं मासाणं बहुपडिपुण्णाणं ममं अयमेयारूवे दोहले पाउभूए-धण्णाओणं ताओ अम्मयाओ जाव अंगपडिचारियाओ णिवसेसं भाणियव्वं जाव जाहे वि य णं तुमं वेयणाए अभिभूए महया जाव तुसिणीए संचिट्ठसि, एवं खलु तव पुत्ता ! सेणिए राया अच्चंतणेहाणुरागरते // 40 // तए णं से कूणिए राया चेलणाए देवीए अंतिए एयमढे सोचा णिसम्म चेलणं देविं एवं वयासी-दुढ णं अम्मो ! मए कयं सेणियं रायं पियं देवयं गुरुजणगं अच्चंत- . णेहाणुरागरत्तं णियलबंधणं करतेणं, तं गच्छामि णं सेणियस्स रणो सयमेव णियलाणि छिंदामित्तिकट्ट परसुत्थगए जेणेव चारगसाला तेणेव पहारेत्थ र.मणाए // 41 // तए णं सेणिए राया कूणियं कुमारं परसुहत्वगयं एजमाणं पासइ 2 त्ता एवं वयासीएस णं कणिए कुमारे अपत्थियपत्थिए जाव सिरि हिरिपरिवज्जिए परसुहत्थगए इह हव्वमागच्छइ, तं ण णजइ णं ममं केणइ कुमारेणं मारिम्सइत्तिकट्ट भीए जाव संजायभए तालपुडगं विसं आसगंसि पक्खिवइ / तए णं से सेणिए राया तालपुडगविसंसि आसगंसि पक्खित्ते समाणे मुहुत्तंतरेणं परिणममाणंसि णिप्पाणे णिच्चेटे जीवविष्पजढे ओइण्णे // 42 // तए णं से कूणिए कुमारे जेणेव चारगसाला तेणेव उवागए, सेणियं रायं णिप्पाणं णिच्चेटू जीवविप्पजढं ओइण्णं पासइ 2 त्ता महूया पिइसोएणं अप्फुण्णे समाणे परमणियत्ते विव चम्पगवरपायवे घसत्ति घरणीयलंसि सव्वंगेहिं संणिवडिए / तए णं से कूणिए कुमारे मुहुत्तरेण आसत्थे समाणे रोयमाणे कंदमाणे सोयमाणे विलवमाणे एवं वयासी-अहोणं मए अधणेणं अपुण्णेणं अकयपुण्णेणं दुट्टकयं सेणियं रायं पिय देवयं अच्चंतणेहाणुरागरत्तं णियलबंधणं
