________________ अनंगपविट्ठसुत्तानि जाव झियामि // 23 // तए णं से अभए कुमारे सेणियं रायं एवं वयासी-मा णं ताओ ! तुम्भे ओहय० जाव झियाह, अहं णं तहा जत्तिहामि जहा णं मम चुल्लमाउयाए चेल्लणाए देवीए तस्स दोहलस्स संपत्ती भविस्सइत्तिकट्ट सेणियं रायं ताहिं . . इट्ठाहिं जाव वग्गूहि समासासेइ 2 त्ता जेणेव सए गिहे तेणेव उवागच्छइ 2 त्ता अभितरए रहस्सियए ठाणिज्जे पुरिसे सद्दावेइ 2 ता एवं वयासी-गच्छह णं तुभे देवाणुप्पिया ! सूणाओ अल्लं मंसं सहिरं बत्थिपुडगं च गिण्हह // 24 // तए णं ते ठाणिजा पुरिसा अभएणं कुमारेणं एवं बुत्ता समाणा हट्टतुट्ठ० जाव पडिसुणेत्ता अभयस्स कुमारस्स अंतियाओ पडिणिक्खमंति 2 त्ता जेणेव सूणा तेणेव उवागच्छंति 2 त्ता अल्लं मंसं रुहिरं बत्थिपुडगं च गिण्हंति २त्ता जेणेव अभए कुमारे तेणेव उवागच्छंति 2 त्ता करयल० तं अल्लं मंसं रुहिरं बत्थिपुडगं च उवणेति // 25 / / तए णं से अभए कुमारे तं अल्लं मंसं रुहिरं कप्पणी अपकप्पियं करेइ 2 त्ता जेणेव सेणिए राया तेणेव उवागच्छइ २त्ता सेणियं रायं रहस्सिगयं सयणिज्जसि उत्ताणयं णिवजावेइ रत्ता सेणियस्स उयरवलीसुतं अल्लं मंसं रुहिरं विरचेइ रत्ता बत्थिपुडएणं वेढेइ 2 त्ता सवंतःकरणेणं करेइ 2 त्ता चेलणं देविं उप्पिं पासाए अवलोयणवरगयं ठवावेइ 2 त्ता चेल्लणाए देवीए अहे संपक्खं सपडिदिसि सेणियं रायं सयणिज्जसि उत्ताणगं णिवजावेइ, सेणियस्स रण्णो उयरवलिमसाई कप्प[णि]णीकप्पियाई करेइ 2 त्ता से य भायणंसि पक्खिवइ / तए णं से सेणिए राया अलियमुच्छियं करेइ 2 त्ता मुहुत्तंतरेणं अण्णमण्णेण सद्धिं संलबमाणे चिट्ठइ। तए णं से अभयकुमारे सेणियस्स रण्णो उयरवलिमसाइं गिण्हेइ 2 त्ता जेणेव चेल्लणा देवी तेणेव उवागच्छइ 2 त्ता चेल्लणाए देवीए उवणेइ / तए णं सा चेल्लणा देवी सेणियस्स रण्णो तेहिं उयरवलिमसेहिं सोल्लेहिं जाव दोहलं विणेइ / तए णं सा चेल्लणा देवी संपुण्णदोहला एवं संमाणियदोहला विच्छिण्णदोहला तं गम्भं सुहंसुहेणं परिवहइ // 26 // तए णं तीसे चेल्लणाए देवीए अण्णया कयाइ पुव्वरत्तावरत्तकालसमयंसि अयमेयारूवे जाव समुप्पज्जित्था जइ ताव इमेणं दारएणं गब्भगएणं चेव पिउणो उयरवलिमसाणि खाइयाणि, तं सेयं खलु मए एयं गब्भं साडित्तए वा पाडित्तए वा गालित्तए वा विद्धंसित्तए वा, एवं संपेहेइ 2 त्ता तं गब्भं बहूहिं गभसाडणेहि य गन्भपाडणेहि य य गन्भगालणेहि य गन्भविद्धंसणेहि य इच्छइ तं गब्भं साडित्तए वा पाडित्तए वा गालित्तए वा विद्धं सित्तए वा, णो चेव णं से गन्भे सडइ वा पडद वा गलइ वा विद्धंसइ वा / तए णं सा चेल्लणा देवी तं गम्भं जाहे
