________________ गिरयावलियाओ व. 1 अ. 1 847 णो संचाएइ बहूहिँ गब्भसाडणेहि य जाव गन्भविद्धंसणेहि य साडित्तए वा जाव विद्धं सित्तए वा ताहे संता तंता परितंता णिविण्णा समाणी अकामिया अवसवसा अट्टवसदृदुहट्टा तं गम्भं परिवहह // 27 // तए णं सा चेल्लणा देवी णवण्हं मासाणं बहुपडिपुण्णाणं जाव सोमालं सुरुवं दारगं पयाया। तए णं तसे चेल्लणाए देवीए इमे एयारूवे जाव समुष्पज्जित्था-जइ ताव इमेणं दारएणं गब्भगएणं चेव पिउणो उयरवलिमसाई खाइयाइं, तं ण णजइ णं एस दारए संवढमाणे अम्हं कुलस्स अंतकरे भविस्सइ, तं सेयं खलु अम्हं एयं दारगं एगते उक्कुरुडियाए उज्झावित्तए, एवं संपेहेइ 2 त्ता दासचेडिं सद्दावेइ 2 त्ता एवं वयासी-गच्छ णं तुमं देवाणुप्पिए ! एयं दारगं एगते उक्कुरुडियाए उज्झाहि // 28 // तए णं सा दासचेडी चेलणाए देवीए एवं वुत्ता समाणी करयल० जाव कट्ट चेल्लणाए देवीए एयमढें विणएणं पडिसुणेइ 2 त्ता तं दारगं करयलपुडेणं गिण्हइ 2 त्ता जेणेव असोगवणिया तेणेव उवागच्छइ 2 त्ता तं दारगं एगंते उवकुरुडियाए उज्झाइ / तए णं तेणं दारगेणं एगते उक्कुरुडियाए उज्झिएणं समाणेणं सा असोगवणिया उज्जोविया यावि होत्था // 29 // तए णं से सेणिए राया इमीसे कहाए लद्धडे समाणे जेणेव असोगवणिया तेणेव उवागच्छइ 2 ता तं दारगं एगते उक्कुरुडियाए उज्झियं पासेइ 2 ता आसुरुत्ते नाव मिसिमिसेमाणे तं दारगं करयलपुडेणं गिण्इ 2 ता जेणेव चेल्लणा देवी तेणेव उवागच्छइ 2 त्ता चेल्लणं देविं उच्चावयाहिं आओसणाहिं आओसइ 2 त्ता उच्चावयाहिं णिब्भच्छणाहिं णिन्भच्छेइ एवं ऊद्धंसणाहिं उद्धंसेइ 2 त्ता एवं चयासी-किस्त णं तुमं मम पुत्तं एगते उक्कुरुडियाए उज्झावेसि ? त्तिकट्ट चेलणं देविं उच्चावयसवहसावियं करेइ 2 त्ता एवं वयासीतुमं णं देवाणुप्पिए ! एयं दारगं अणुपुव्वेणं सारक्खमाणी संगोवेमाणी संवढेहि // 30 // तए णं सा चेल्लणा देवी सेणिएणं रण्णा एवं वुत्ता समाणी लज्जिया विलिया, विड्डा करयलपरिग्गहियं सेणियस्स रण्णो विणएणं एयमढे पडिसुणेइ 2 त्ता तं दारगं अणुपुत्वेणं सारक्खमाणी संगोवेमाणी संवड्डे // 31 / / तए णं तस्स दारगस्स एगते उक्कुरुडियाए उज्झिजमाणस्स अग्गंगुलिया कुक्कुडपिच्छएणं दूमिया याविं होत्था,अभिक्खणं अभिवखणं पूयं च सोणियं च अभिणिस्सवइ / तए णं से दारए वेयणाभिभूए समाणे महया महया सद्देणं आरसइ / तए णं सेणिए राया तस्स दारगस्त आरसियसई सोच्चा णिसम्म जेणेव से दारए तेणेव उवागच्छइ २त्ता
