________________ . णिरयावलियाओ व. 1 अ. 1 845 चेल्लणं देविं दोच्चंपि तच्चपि एवं वयासी-किं णं अहं देवाणुप्पिए ! एयमट्ठस्स णो अरिहे सवणयाए जणं तुमं एयमटुं रहस्सीकरेसि||१९| तए णं सा चेल्लणा देवी सेणिएणं रण्णा दोच्चंपि तच्चपि एवं वुत्ता समाणी सेणियं रायं एवं वयासी-त्थि णं सामी! से केइ अट्टे जस्स णं तुम्मे अणरिहा सवणयाए, णो चेव णं इमस्स अट्ठस्स सवणयाए, एवं खलु सामी ! ममं तस्स ओरालस्स जाव महासुमिणस्स तिण्हं मासाणं बहुपडिपुण्णाणं अयमेयारूवे दोहले पाउन्भूए-धण्णाओ णं ताओ अम्मयाओ जाओ णं तुम्भं उयरवलिमसेहिं सोल्लएहि य जाव दोहलं विणेति, तए णं अहं सामी ! तंसि दोहलंसि अविणिजमाणंसि सुक्का भुक्खा आव झियामि // 20 // तए णं से सेणिए राया चेल्लणं देवि एवं वयासी-मा णं तुमं देवाणुप्पिए ! ओहय० जाव झियाहि, अहं णं तहा जत्तिहामि जहाणं तव दोहलस्स संपत्ती भविस्सइत्तिकट्ट चेल्लणं देविं ताहिं इठ्ठाहिं कंताहिं पियाहिं मणुण्णाहिं मणामाहिं ओरालाहिं कल्लाणाहिं सिवाहिं धण्णाहिं मंगल्लाहिं मियमहुरसस्सिरीयाहिं वन्गूहि समासासेइ 2 त्ता चेल्लणाए देवीए अंतियाओ पहिणिक्खमइ २त्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ 2 त्ता सीहासणवरंसि पुरत्थाभिमुहे णिसीयइ 2 त्ता तस्स दोहलस्स संपत्तिणिमित्तं बहूहिं आएहिं उवाए हि य उम्पत्तियाए य वेणंइयाए य कम्मियाए य पारिणामियाए य परिणामेमाणे 2 तस्स दोहलस्स आयं वा उवायं वा (बियक्कं) ठिई वा अविंदमाणे ओहयमणसंकप्पे जाव झियाइ // 21 // इमं च णं अभए कुमारे ण्हाए जाव सरीरे सयाओ गिहाओ पडिणिवख्मइ 2 त्ता जेणेव बाहिरिया उवट्ठाणसाला जेणेन सेणिए राया तेणेव उवागच्छइ 2 त्ता सेणियं रायं ओहय० जाव झियायमाणं पासइ 2 त्ता एवं वयासी-अण्णया णं ताओ ! तुभे ममं पासित्ता हट्ट जाव हियया भवह किं णं ताओ ! अज तुब्भे ओहय० जाव झियाह ? तं जइ णं अहं ताओ ! एयमट्ठस्स अरिहे सवणयाए तो णं तुब्भे मम एयमटुं जहाभूयमवितहं असंदिद्धं परिकहेह, जा णं अहं तस्स अट्ठस्स अंतगमणं करेमि // 22 // तए णं से सेणिए राया अभ्यं कुमारं एवं वयासी-त्थि णं पुत्ता! से केइ अढे जस्स णं तुमं अणरिहे सवणयाए, एवं खलु पुत्ता ! तव चुल्लमाउयाए चेलणाए देवीए तस्स ओरालस्स जाव महासुमिणस्स तिण्हं मासाणं बहुपडिपुण्णाणं जाव जाओ णं मम उयरवलीमंसेहिं सोल्लेहि य जाव दोहलं विणेति, तए णं. सा चेल्लणा देवी तंसि दोहलंसि अविणिजमाणंसि सुक्का जाव झियाइ, तए णं अहं पुत्ता! तस्स दोहलस्स संपत्तिणिमित्तं बहूहिँ आएहि य जाव ठिई वा अविंदमाणे ओहय०
