________________ - णिरयावलियाओ व. 1 अ. 1 843 तए णं समणे भगवं जाव कालीए देवीए तीसे य महइमहालियाए धम्मकहा झाणियव्वा जाव समणोवासए वा समणोवासिया वा विहरमाणे आणाए आराहए भवइ // 10 // तए णं सा काली देवी समणस्स भगवओ महावीरस्स अंतियं धम्मं सोचा णिसम्म हट्ट जाव हियया समणं भगवं तिक्खुत्तो जाव एवं वयासी-एवं खलु भंते ! मम पुत्ते काले कुमारे तिहिं दंतिसहस्सेहिं जाव रहमुसलं संगाम ओयाए, से णं भंते ! किं जइस्सइ ? णो जइस्सइ जाव काले णं कुमारे अहं जीवमाणं पासिज्जा ! कालीइ समणे भगवं महावीरे कालिं देवि एवं वयासी-एवं खलु काली ! तव पुत्ते काले कुमार तिहिं दंतिसहस्सेहिं जाव कृणिएणं रण्णा सद्धिं रहमुसलं संगाम संगामेमाणे हयमहियपवरवीरघाइयणिवडियचिंधज्झयपडागे णिरालोयाओ दिसाओ करेमाणे चेडगस्स रण्णो सपक्खं सपडिदिसि रहेणं पडिरहं हव्वमागए, तए णं से चेडए राया कालं कुमारं एजमाणं पासइ 2 त्ता आसुरुत्ते जाव मिसिमिसेमाणे धणु परामुसइ 2 त्ता उसु परामुसइ 2 त्ता वइसाहं ठाणं टाइ 2 त्ता आययकण्णाययं उसु करेइ 2 त्ता कालं कुमारं एगाहच्चं कूडाहच्चं जीवियाओ ववरोवेइ, तं कालगए णं काली ! काले कुमारे, णो चेव णं तुमं कालं कुमारं जीवमाणं पासि हिसि // 11 // तए णं सा काली देवी समणस्स भगवओ महावीरस्स अंतियं एयमढे सोचा णिसम्म महया पुत्तसोएणं अप्फुण्णा समाणी परसुणियत्ता विव चम्पगलया धसत्ति धरणीयलंसि सव्वंगेहिं संणिवड़िया / तए णं सा काली देवी मुहुत्तंतरेणं आसत्था समाणी उठाए उठेइ 2 त्ता समणं भगवं महावीरं वंदइ णमंसइ वं० 2 त्ता एवं वयासी-एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! सच्चे णं भंते ! एसमढे जहेयं तुब्भे वयहत्तिकट्ट संमणं भगवं० वंदइ णमंसइ वं० 2 त्ता. तमेव धम्मियं जाणप्पवरं दुरूहइ 2 त्ता जामेव दिसि पाउन्भूया तामेव दिसिं पडिगया // 12 // भंते ! त्ति भगवं गोयमे जाव वंदइ णमंसइ वं० 2 त्ता एवं वयासी-काले णं भंते ! कुमारे तिहिं दंतिसहस्सेहिं जाव रहमुसलं संगाम संगामेमाणे चेडएणं रण्णा एगाहच्चं कूडाहच्चं जीवियाओ ववरोविए समाणे कालमासे कालं किच्चा कहिं गए कहिं उववण्णे ! गोयमाइ समणे भगवं० गोयमं एवं वयासी-एवं खलु गोयमा! काले कुमारे तिहिं दंतिसहस्सेहिं जाव जीवियाओ ववरोविए समाणे कालमासे कालं किच्चा चउत्थीए पंकप्पभाए पुढवीए हेमामे णरगे दससागरोवमट्टिइएसु णेरइएस णेरइयत्ताए उववण्णे // 13 // काले णं भंते ! कुमारे केरिसएहिं आरम्भेहिं केरि
