________________ 842 अनंगपविट्ठसुत्ताणि रिद्ध०। पुण्णभद्दे चेइए / तत्थ णं चम्पाए णयरीए सेणियस्स रण्णो पुत्ते चेल्लणाए देवीए अत्तए कूणिए णामं राया होत्था, महया०। तस्स णं कुणियरुस रण्णो पउमावई णामं देवी होत्था, सोमालपाणिपाया जाव विहरइ // 4 // तत्थ णं चम्पाए णयंरीए सेणियस्स रण्णो भजा कूणियस्स रणो चुल्लमाउया काली णामं देवी होन्था, सोमालपाणिपाया जाव सुरूवा। तीसे णं कालीए देबीए पुत्ते काले णामं कुमारे होत्था, सोमालपाणिपाया जाव सुरूवे // 5 // तए णं से काले कुमारे अण्णणा कयाइ तिहिं दंतिसहस्सेहिं तिहिं रहसहस्सेहिं तिहिं आससहस्सेहिं तिहिं मणुयकोडीहिं गरुलवूहे एकारसमेणं खण्डेणं कुणिएणं रण्णा सद्धिं रहमुसलं संगामं ओयाए. // 6 // तए णं तीसे कालीए देवीए अण्णया कयाइ कुडुम्नजागरियं जागरमाणीए अयमेयारूवे : अज्झथिए जाव समुप्पज्जित्था एवं खलु ममं पुत्ते कालकुमारे तिहिं दंतिसहस्सहिं जाव ओयाए, से मण्णे किं जइस्सइ ? णो जइस्सइ ? जीविस्सइ ? णो जीविस्सइ ? पराजिणिस्सइ ? णो पराजिणिस्सइ ? काले णं कुमारे अहं जीवमाणं पासिजा ? ओहयमण० जाव झियाइ // 7 // तेणं कालेणं तेणं समएणं समणे भगवं महावीरे समोसरिए / परिसा णिग्गया / तए णं तीसे कालीए देवीए इमीसे कहाए लद्धट्ठाए समाणीए अयमेयारूवे अज्झथिए जाव समुप्पज्जित्था एवं खलु समणे भगवं० पुव्वाणुपुावं जाव विहरइ,तं महाफलं खलु तहारूवाणं जाव विउलस्स अट्ठस्स गहणयाए, तं गच्छामि णं समणं जाव पज्जुवासामि, इमं च णं एयारूवं वागरणं पुच्छिस्सामित्तिकट्ट एवं संपेहेह 2 त्ता कोडुम्बियपुरिसे सदावेइ 2 त्ता एवं वयासीखिप्पामेव भो देवाणुप्पिया। धम्मियं जाणप्पवरं जुत्तामेव उवट्ठवेह उवट्ठवित्ता जाव पच्चप्पिणंति // 8 // तए णं सा काली देवी ण्हाया कयबलिकम्मा जाव अप्पमहग्घाभरणालंकियसरीरा बहूहिं खुजाहिं जाव महत्तरगविंदपरिक्खित्ता अंतेउराओ णिग्गच्छइ 2 त्ता जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छइ 2 त्ता धम्मियं जाणप्पवरं दुरूहइ रत्ता णियगपरियालसंपरिवुडा चम्पं णयरिं मज्झंमज्झेणं णिग्गच्छइ 2 त्ता जेणेव पुण्णभद्दे चेइए तेणेव उवागच्छइ 2 त्ता छत्ताईए जाव धम्मियं जाणप्पवरं ठवेइ 2 त्ता धम्मियाओ जाणप्पवराओ पच्चोरुहइ 2 त्ता बहाहिं खुजाहिं जाव महत्तरगविंदपरिक्खित्ता जेणेव समणे भगवं महावीरे तेणेव उवागच्छइ 2 त्ता समणं भगवं महावीरं तिक्खुत्तो वंदइ 2 त्ता ठिया चेव सपरिवारा सुस्सूसमाणी णमंसमाणी अभिमुहा विणएणं पंजलिउडा पज्जुवासइ // 9 //
