________________ णिरयावलियाओ (कप्पिया) पढमस्स वग्गस्स पढमं अज्झयणं तेणं कालेणं तेणं समएणं रायगिहे णामं णयरे होत्था, रिद्धिस्थिमियसमिद्धे 0 / ... गुणसिलए णामं चेइए...वण्णओ। असोगवरपायवे / पुढविसिलापट्टए वण्णओ॥१॥ तेणं कालेणं तेणं समएणं समणस्स भगवओ महावीरस्स अंतेवासी अजसुहम्मे णामं अणगारे जाइसंपण्णे जहा केसी जाव पंचहिं अणगारसएहिं सद्धिं संपरिबुडे पुव्वाणुपुट्विं चरमाणे.. जेणेव रायगिहे णयरे जाव अहापडिरूवं उग्गहं ओगिण्हित्ता संजमेणं जाव विहरइ / परिसा णिग्गया / धम्मो कहिओ / परिसा पडिगया // 2 // तेणं कालेणं तेणं समएणं अजसुहम्मस्स अणगारस्स अंतेवासी जम्बू णामं अणगारे समचउरंससंठाणसंठिए जाव संखित्तविउलतेउलेस्से अजसुहम्मस्स अणगारस्स अदूरसामंते उर्बुजाणू जाव विहरइ / तए णं से जम्बू जायसढे जाव पज्जुवासमाणे एवं वयासी-उवंगाणं भंते ! समणेणं जाव संपत्तेणं के अढे पण्णत्ते ? एवं खलु जम्बू ! समणेण भगवया जाव संपत्तेणं एवं उवंगाणं पंच वग्गा पण्णना, तंजहा–णिरयावलियाओ, कप्पवडिंसियाओं, पुफियाओ, पुष्प.चूलियाओ, वहिदसाओ // 3 // जइ णं भंते ! समणेणं जाव संपत्तेणं उवंगाणं पंच वग्गा पण्णत्ता, तंजहा-णिरयावलियाओ जाव वण्हिदसाओ, पढमस्स णं भंते ! वग्गरस उवंगाणं णिरयावलियाणं समजेणं भगवया जाव संपत्तेणं कइ अज्झयणा पण्णत्ता 1 एवं खलु जम्बू ! समणेणं नाव संपत्तेणं उवंगाणं पढमस्स वग्गस्स णिरयावलियाणं दस अज्झयणा. पण्णत्ता, तंजहा-काले सुकाले महाकाले कण्हे सुकण्हे तहा महाकण्हे / वीरकण्हे य बोद्धव्वे रामकण्हे तहेव य // 1 // पिउसेणकण्हे णवमे दसमे महासेणकण्हे उ / जइ णं भंते ! समणेणं जाव संपत्तेणं उवंगाणं पढमस्स वग्गस्स णिरयावलियाणं दस अज्झयणा पण्णत्ता, पढमस्स णं भंते ! अज्झयणस्स णिरयावलियाणं समजेणं जाव संपत्तेणं के अटे पण्णत्ते ? एवं खलु जम्बू ! तेणं कालेणं तेणं समएणं इहेव जम्बुद्दीवे दीवे भारहे वासे चम्पा णामं णयरी होत्था,
