Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 242

चंदपण्णत्ती पा. 20 833 झुसिरा णों बादरबोंदिधरा कलेवरा णत्थि णं तेसिं उठाणेइ वा कम्मेइ वा बलेइ वा वीरिएइ वा पुरिसक्कारपरक्कमेइ वा ते णो विज्जु लवंति णो असणिं लवंति णो थणियं लवंति, अहे य णं बायरे वाउकाए संमुच्छइ अहे य णं बायरे वाउकाए संमुच्छित्ता विज्जुपि लवंति असणिपि लवंति थणियंपि लवंति एगे एवमासु 1, एगे पुण एवमाहंसु-ता चंदिमसूरिया णं जीवा णो अजीवा घणा णो झुसिरा वादर. बुदिधरा कलेवरा अस्थि णं तेसिं उट्ठाणेइ वा० ते विज्जुपि लवंति 3 एगे एवमासु 2, वयं पुण एवं वयामो-ता चंदिमसूरिया णं देवा महिड्डिया जाव महाणुभागा वरवत्थधरा वरमल्लधरा० वराभरणधारी अवोच्छित्तिणयट्ठयाए अण्णे चयंति अण्णे उववज्जति० // 102 // ता कहं ते राहुकम्मे आहिएति वएज्जा ? तत्थ खलु इमाओ दो पडिवत्तीओ पण्णत्ताओ, तं०-तत्थेगे एवमासु-ता अस्थि णं से राह देवे जे णं चंद वा सूरं वा गिण्हइ एगे एवमासु 1, एगे पुण एवमाइंसु-ता त्थि से राहू देवे जे णं चंद वा सूरं वा गिण्हइ० 2, तत्थ जे ते एवमाहंसु-ता अस्थि गं से राहू देवे जे णं चंदं वा सूरं वा गिण्हइ, ते एवमाहंसु-ता राहू णं देवे चंदं वा सूर वा गेण्हमाणे बुद्धतेणं गिण्हित्ता बुद्धतेणं मुयइ बुद्धतेणं गिणिहत्ता मुद्धं तेणं मुयइ मुद्धतेणं गिण्हित्ता मुद्धतेणं मुयइ, वामभुयंतेणं गिण्हित्ता वामभुयंतेणं मुयइ वामभुयंतेणं गिण्हित्ता दाहिणभुयंतेणं मुयइ दाहिणभुयंतेणं गिण्हित्ता वामभुयंतेणं मुयइ दाहिणभुयंतेणं गिण्हित्ता दाहिणभुयंतेणं मुयइ, तत्थ जे ते एक्माहंसु-ता णत्थि ण से राहू देवे जे णं चंदं वा सूरं वा गेण्हइ, ते एवमाहंसु-तत्थ णं इमे पण्णरस कसिणपोग्गला प०, तं०-सिंघाणए जडिलए खरए खयए अंजणे खंजणे सीयले हिमसीयले केलासे अरुणाभे परिजए णभसूरए कदि.लए पिंगलए राहू, ता जया णं एए पण्णरस कसिणा पोग्गला सया चंदस्स ग सूरस्स वा लेसाणुबद्धचारिणो भवंति तया णं माणुसलोयंसि माणुसा एवं वयंति-एवं खलु राहू चंदं वा सूरं वा गेण्हइ 2, ता जया णं एए पण्णरस कसिणा पोग्गला णो सया चंदस्स वा सूरस्स वा लेसाणुबद्धचारिणो भवंति तया णं माणुसलोयम्मि मणुस्सा एवं वयंति-एवं खलु राहू चंदं वा सूरं वा गेण्हइ०, एए एवमाहंसु, वयं पुण एवं वयामो-ता राहू णं देवे महिड्डिए० महाणुभावे वरवत्थधरे जाव वराभरणधारी, राहुस्स णं देवरस णव णामधेजा 50, तं०-सिंघाडए जडिलए खरए खेत्तए ढढरे मगरे मच्छे कच्छभे किण्हसप्पे, ता राहुस्स णं देवस्स विमाणा पंचवण्णा प०, तं०-किण्हा णीला लोहिया हालिद्दा सुक्किल्ला, अत्थि कालए राहुविमाणे खंजणवण्णाभे प०, अत्थि णीलए