________________ .832 अनंगपविट्ठसुत्ताणि वरुणवरे दीवे वरुणोदे समुद्दे 4 खीरवरे दीवे खीरवरे समुद्दे 5 घयवरे दीवे पओदे समुद्दे 6 खोयवरे दीवे खोओदे समुद्दे 7 णंदिस्सरे दीवे णंदिस्सरवरे समुद्दे 8 अरुणोदे दीवे अरुणोदे समुद्दे 9 अरुणवरे दीवे अरुणवरे समुद्दे 10 अरुणवरोभासे दीवे अरुणवरोभासे समुद्दे 11 कुंडले दीवे कुंडलोदे समुद्दे 12 कुंडलवरे दीवे कुंडलवरोदे समुद्दे 13 कुंडलवरोभासे दीवे कुंडलवरोभासे समुद्दे 14 सव्वेसिं विस्खभपरिक्खेवो जोइसाइं पुक्खरोदसागरसरिसाइं / ता कुंडलवरोभासण्णं समुदं रुयए दीवे वट्टे वलयागारसंठाणसंठिए सव्वओ जाव चिट्ठइ, ता रुयए णं दीवे किं समचकवाल जाव णो विसमचक्वालसंटिए, ता रुयए णं दीवे केवइयं समचक्कवालविक्खंभेणं केवइयं परिक्खेवेणं आहिएति वएज्जा 1 ता असंखेज्जाई जोयणसहस्साइं चक्कवालविखंभेणं असंखेजाई. जोयणसहस्साई परिक्खेवेणं आहिए ति वएजा, ता रुयगे णं दीवे केवइया चंदा पभासेंसु वा 3 पुच्छा, ता रुयगे णं दीवे असंखेजा चंदा पभासेंसु वा 3 जाव असंखेजाओ तारागणकोडिकोडीओ सोभं सोभेसु वा 3, एवं रुयगे समुद्दे रुयगवरे दीवे रुयगवरोदे समुद्दे रुयगवरोभासे दीवे रुयगवरोभासे समुद्दे, एवं तिपडोयारा णेयव्वा जाव सूरे दीवे सूरोदे समुद्दे सूरवरे दीवे सूरवरे समुद्दे सूरवरोभासे दीवे सूरवरोभासे समुद्दे, सव्वेसि विक्खंभपरिक्खेवजोइसाइं रुयगवरदीवसरिसाई, ता सूरवरोभासोदण्णं समुदं देवे णाम दीवे वट्टे वलयागारसंठाणसंठिए सव्वओ समंता संपरिक्खित्ताणं चिट्ठइ जाव णो विसमचकवालसंठिए, ता देवे णं दीवे केवइयं चक्कवालविक्खंभेणं केवइयं परिक्खेवेणं आहिए ति वएजा ! ता असंखेजाइं जोयणसहस्साई चक्कवालविक्खंभेणं असंखेजाइं जोयणसहस्साई परिक्खेवेणं आहिएति वएजा, ता देवे णं दीवे केवइया चंदा पभासेंसु वा 3 पुच्छा तहेव, ता देवे णं दीवे असंखेजा चंदा पभासेंसु वा 3 जाव असंखेजाओ तारागणकोडिकोडीओ० सोभेसु वा 3 / एवं देवोदे समुद्दे णागे दीवे णागोदे समुद्दे जक्खे दीवे जक्खोदे समुद्दे भूए दीवे भूओदे समुद्दे सयंभुरमणे दीवे सयंभुरमणे समुद्दे सब्वे देवदीवसरिसा // 99-100-101 // एगणवीसइमं पाहुडं समत्तं // 19 // वीसइमं पाहुडं ता कहं ते अणुभावे आहिएति वएजा ? तत्थ खलु इमाओ दो पडिवत्तीओ पण्णत्ताओ, तं०-तत्थेगे एवमाहंसु-ता चंदिमसूरिया णं णो जीवा अजीवा णो घणा
