________________ 824 अनंगपविट्ठसुत्ताणि अट्ठ देवसाहस्सीओ परिवहंति, तं०-पुरत्थिमेणं सीहरूवधारणं देवाणं दो देवसाहस्सीओ परिवहंति, एवं जाव उत्तरेणं तुरगरूवधारीणं०, ता णक्खत्तविमाणे णं कह देवसाहस्सीओ परिवहति ? ता चत्तारि देवसाहरसीओ परिवहंति, तं०-पुरस्थिमेणं सीहरूवधारीणं देवाणं एक्का देवसाहस्सी परिवहइ, एवं जाव उत्तरेणं तुरगरूवधार,णं देवाणं०, ता ताराविमाणे णं कइ देवसाहस्सीओ परिवहति ? ता दो देवसाहस्सीओ परिवहंति, तं०-पुरस्थिमेणं सीहरूवधारीणं देवाणं पंच देवसया परिवएंति, एवं जावुत्तरेणं तुरगरूवधारीणं० // 92 // ता एए सि णं चंदिमसूरियगहगणणवत्ततारारूवाणं कयरे 2 हिंतो सिग्धगई वा मंदगई वा ? ता चंदेहिंतो सूरा सिन्धगई, सूरेहिंतो गहा सिग्धगई, गहेहिंतो णक्खत्ता सिग्घगई, णवखत्तेहिंतो तारा० सिन्धगई, सव्वप्पगई चंदा, सव्वसिन्धगई तारा० / ता एए सि णं चंदिमसूरियगहगणणक्खत्ततारारूवाणं कयरे 2 हिंतो अप्पिडिया वा महिडिया वा ? ता तारा० हितो णक्खत्ता महिड्डिया, णक्खत्तेहिंतो गहा महिड्डिया, गहेहिंतो सूरा महिड्डिया, सूरे. हिंतो चंदा महिड्डिया, सव्वप्पड्डिया तारा०, सव्वमहिड्डिया चंदा // 93 / / ता जंबुद्दीवे णं दीवे तारारूवस्स य 2 एस णं केवइए अबाहाए अंतरे पण्णत्ते ? ता दुविहे अंतरे प०, तं०-वाघाइमे य णिव्वाघाइमे य, तत्थ णं जे से वाघाइमे से ण जहण्णेणं दोण्णि बावटे जोयणसए उक्कोसेणं बारस जोयणसहस्साई दोष्णि बायाले जोयणसए तारारूवस्स य 2 अबाहाए अंतरे पण्णत्ते, तत्थ णं जे से णिव्याघाइम से णं जहणणेणं पंच धणुसयाइं उक्कोसेणं अद्धजोयणं तारारूवरस य 2 अबाहाए अंतरे प० // 94 // ता चंदस्स णं जोइसिंदस्स जोइसरण्णो कइ अग्गमहिसीओ पप्णत्ताओ ? ता चत्तारि अग्गमहिसीओ पण्णत्ताओ, तं०-चंदप्पभा दोसिणाभा अच्चिमाली पभंकरा, तत्थ णं एगमेगाए देवीए चत्तारि देवीसाहस्सी परिवारो पण्णत्तो, पभू णं ताओ एगमेगा देवी अण्णाइं चत्तारि 2 देवीसहस्साइं परिवार विउवित्तए, एवामेव सपुव्वावरेणं सोलस देवीसहस्सा, सेत्तं तुडिए, ता पभू णं चंदे जोइसिंदे जोइसराया चंदवडिसए विमाणे सभाए सुहम्माए तुडिएणं सद्धिं दिव्वाइं भोगभोगाई भुंजमाणे विहरित्तए ? णो इणढे समढे, पभू णं चंदे जोइसिंदे जोइसराया चंदवाडंसए विमाणे सभाए सुहम्माए चंदंसि सीहासणंसि चउहिं सामाणियसाहरसीहि चउहिँ अग्गमहिसीहिंसपरिवाराहिं तिहिं परिसाहिँ सत्तहिं अणिए हिं सत्तहिं अणियाहिवईहिं सोलसहिं आयरक्खदेवसाहस्सीहि अण्णेहि य बहूहिं जोइसिएहिं देवेहिं देवीहि य सद्धिं महया हयणट्टगीयवाइयतंतीतलतालतुडियघणमुइंगपडुप्पवाइयरवणं
