________________ चंदपण्णत्ती पा. 18 8 23 हिट्ठपि तारारूंवा अणुंपि तुल्लावि तहेव जाव उप्पिंपि तारारूवा अणुंपि तुल्लावि।।८८॥ ता एगमेगस्स णं चंदस्स देवस्स केवइया गहा परिवारो प०,केवइया णखत्ता परिवारो पण्णत्तो, केवइया तारा परिवारो पण्णत्तो ? ता एगमेगस्स णं चंदस्स देवस्स अट्ठासीइगहा परिवारो पण्णत्तो, अट्ठावीसं णक्खत्ता परिवारो पण्णत्तो, छावट्टिसहस्साइं णव चेव सयाइं पंचुत्तराई (पंचसयराइं) एगससीपरिवारो तारागणकोडिकोडीणं // 1 // परिवारो प० // 89 // ता मंदरस्स णं पव्वयस्स केवइयं अबाहाए जोइसे चारं चरइ ? ता एक्कारस एकवीसे जोयणसए अबाहाए जोइसे चारं चरइ, ता लोयंताओ णं केवइयं अबाहाए जोइसे प० 1 ता एक्कारस एक्कारे जोयणसए अबाहाए जोइसे प. // 90 // ता जंबुद्दीवे णं दीवे कयरे णवखत्ते सव्वभंतरिलं चारं चरइ, कयरे णक्खत्ते सव्वबाहिरिल्लं चार चरइ, कयरे णक्खत्ते सव्वुवरिल्लं चारं चरइ, कयरे णक्खत्ते सव्वहिट्ठिल्लं चार चरइ ? ता अभीई णवखत्ते सव्वभितरिल्लं चारं चरइ,मूले णक्खत्ते सव्वबाहिरिल्लं चारं चरइ,साई णक्खत्ते सव्वुवरिल्लं चारं चरइ, भैरणी णक्खत्ते सव्वहेछिल्लं चारं चरइ // 91 // ता चंदविमाणे णं किंसंठिए प० ? ता अद्धकविट्ठगसंठाणसंठिए सव्वफालियामए अब्भुग्गयमूसियपहसिए विविहमणिरयणभत्तिचित्ते जाव पडिरूवे एवं सूरविमाणे गहविमाणे णवखत्तविमाणे ताराविमाणे। ता चंदविमाणे णं केवइयं आयामविक्खंभेणं केवइयं परिक्खेवेणं केवइयं बाहले प० 1 ता छप्पण्णं एगट्ठिभागे जोयणस्स आयामविवखंभेणं तं तिगुणं सविसेसं परिरएणं अट्ठावीसं एगट्ठिभागे जोयणस्स बाहल्लेणं पण्णत्ते, ता सूरविमाणे णं केवइयं आयामविखंभेणं पुच्छा, ता अडयालीसं एगट्ठिभागे जोयणस्स आयामविक्खंभेणं तं तिगुणं सविसेसं परिरएणं चउव्वीसं एगट्ठिभागे जोयणरस बाहल्लेणं प०, ता णक्खत्तविमाणे णं केवइयं पुच्छा, ता कोसं आयामविवखंभेणं तं तिगुणं सविसेसं परिरएणं अद्धकोसं बाहल्लेणं प०,ता ताराविमाणे णं केवइयं पुच्छा, ता अद्धकोसं आयामविक्खंभेणं तं तिगुणं सविसेसं परिरएणं पंचधणुसयाई बाहरूलेणं प० / ता चंदविमाणं णं कइ देवसाहस्सीओ परिवहंति ? ता सोलस देवसाहरसीओ परिवहंति, तं०-पुरस्थिमेणं सीहरूवधारीणं चत्तारि देवसाहस्सीओ परिवहंति, दाहिणेणं गयरूवधारीणं चत्तारि देवसाहस्सीओ परिवहंति, पञ्चत्थिमेणं वसहरूवधारीणं चत्तारि देवसाहसीओ परिवहंति, उत्तरेणं तुरगरूवधारणं चत्तारि देवसाहस्सीओ परिवहंति, एवं सूरविमाणंपि, ता गहविमाणे णं कइ देवसाहरसीओ परिवहति ? ता
