________________ चंदपण्णत्ती पा. 18 825 दिव्वाइं मोंगभोगाई भुंजमाणे विहरित्तए केवलं परियारणिड्डीए णो चेव णं मेहुणवत्तियाए / ता सूरस्स णं जोइसिंदस्स जोइसरण्णो कइ अग्गमहिसीओ प० ? ता चत्तारि अग्गमहिसीओ प०, तंजहा-सूरप्पभा आयवा अच्चिमाला पकरा, सेसं जहा चंदस्स णवरं सूरवडेसए विमाणे नाव णो चेव णं मेहुणवत्तियाए / 95 // ता जोइसियाणं देवाणं केवइयं कालं ठिई पण्णत्ता ? ता जहण्णेणं अडभागपलिओवमं उक्कोसेणं पलिओवमं वाससयसहस्समभहियं, ता जोइसिणीणं देवीणं केवइयं कालं ठिई प० 1 ता जहणणेणं अट्ठभागपलिओवम उक्कोसेणं अद्धपलिओवमं पण्णासाए वाससहस्सेहिं अब्भहियं, ता चंदविमाणे ण देवाणं केवइयं कालं ठिई पण्णत्ता ? ता जहण्णेणं चउभागपलिओवमं उक्कोसेणं पलिओवमं वाससयसहस्समब्भहियं, ता चंदविमाणे णं देवीणं केवइयं कालं ठिई प० 1 ता जहण्णेणं चउब्भागपलिओवमं उक्कोसेणं अद्धपलिओवमं पण्णासाए बाससहस्सेहिं अव्भहियं, ता सूरविमाणे णं देवाणं केवइयं कालं ठिई पण्णत्ता ? ता जहण्णेणं चउन्भागपलिओवमं उवकोसेणं पलिओवमं वाससंहस्समभहियं, ता सूरविमाणे णं देवीणं केवइयं कालं ठिई प० ? ता जहण्णेणं चउब्भागपलिओक्मं उक्कोसेणं अद्धपलिओवमं पंचहिं वाससए हिं अन्भहियं, ता गहविमाणे णं देवाणं केवइयं कालं ठिई प० ? ता जहण्णेणं चउभागपलिओवमं उक्कोसेणं पलिओवम, ता गहविमाणे णं देवीणं केवइयं कालं ठिई प० 1 ता जहण्णेणं चउभागपलिओवमं उक्कोसेणं अद्धपलिओवमं, ता णखत्तविमाणे णं देवाणं केवइयं कालं ठिई प० ? ता जहण्णेणं चउब्भागपलिओवम उक्कोसेणं अद्धपलिओवमं, ता णक्खत्तविमाणे णं देवीणं केवइयं कालं ठिई प० 1 ता जहण्णेणं अट्ठभागपलिओवम उक्कोसेणं चउब्भागपलिओवमं, ता ताराविमाणे णं देवाणं पुच्छा, ता जहण्णेणं अट्ठभागपलिओवमं उवकोसेणं च उभागपलिओवमं, ता ताराविमाणे णं देवीणं पुच्छा, ता जहण्णेणं अट्ठभागपलिओवमं उक्कोसेणं साइरेगअट्ठभागपलिओवमं // 96 // ता एएसि णं चंदिमसूरियगहगणणक्खत्ततारारूवाणं कयरे 2 हिंतो अप्पा वा बहुया वा तुल्ला वा विसेसाहिया वा ? ता चंदा य सूरा य एए णं दो वि तुल्ला सव्वत्थोवा, णक्खत्ता संखिजगुणा, गहा संखिजगुणा, तारा० संखिजगुणा // 97 // अट्ठारसमं पाहुडं समत्तं / / 18 /
