________________ 820 अनंगपविट्ठसुत्ताणि चउवीससयभागं मंडलस्स,ता चंदेणं मासेणं णवत्ते कइ मंडलाइं चरइ ? ता पप्णरस चउभागूणाई मंडलाइं चरइ छच्च चउवीससयभागे मंडलस्स, ता रणा मासेणं चंदे कइ मंडलाइं चरइ ? ता चोद्दस मंडलाई चरइ तीसं च एगट्ठिभागे मंडलस्स, ता उड्डुणा मासेणं सूरे कइ मंडलाइं चरइ ? ता पण्णरस मंडलाई चरइ, ता उडुणा मासेणं णक्खत्ते कइ मंडलाइं चरइ ? ता पण्णरस मंडलाई चरइ पंच य बावीससयभागे मंडलस्स, ता आइच्चेणं मासेणं चंदे कइ मंडलाइं चरइ ? ता चोद्दस मंडलाई चरइ एक्कारसभागे मंडलस्स, ता आइच्चेणं मासेणं सूरे कइ मंडलाई चरइ ? ता पण्णरस चउभागाहियाइं मंडलाइं चरइ, ता आइस्चेणं मासेणं णखत्ते कद मंडलाई चरइ ? ता पण्णरस चउभागाहियाइं मंडलाइं चरइ पंचतसं च चवीससयभागमंडलाइं चरइ, ता अभिवडिएणं मासेणं चंदे कइ मंडलाइं चरइ ? ता पण्णरस मंडलाइं० तेसीइं छलसीयसयभागे मंडलस्स, ता अभिवहिएणं मासेणं सूरे कह मंडलाइं चरइ ? ता सोलस मंडलाइं चरइ तिहिं भागेहिं ऊणगाई दोहिं अडयालेहि सएहिं मंडलं छेत्ता, ता अभिवट्टिएणं मासेणं णक्खत्ते कइ मंडलाइं चरइ ? ता सोलस मंडलाइं चरइ सीयालीसएहिं भागेहिं अहियाई चोद्दसहिं अट्ठासीएहि मंडलं छेत्ता // 83 // ता एगमेगेणं अहोरत्तेणं चंदे कइ मंडलाइं चरइ ? ता एगं अद्धमंडलं चरइ एकतीसाए भागेहिं ऊणं णवहिं पण्णरसेहिं अद्धमंडलं छेत्ता, ता एगमेगेणं अहोरत्तेणं सूरिए कइ मंडलाई चरइ ? ता एगं अद्धमंडलं चरइ, ता एगमेगेणं अहोरत्तेणं णक्खत्ते कइ मंडलाइं चरइ ? ता एगं अद्धमंडलं चरइ दोहिं भागेहिं अहियं सत्तहिं बत्तीसेहिं सएहिं अद्धमंडलं छेत्ता, ता एगमेगं मंडलं चंदे कइहिं अहोरत्तेहिं चरइ ? दोहिं अहोरत्तेहिं चरइ एकतीसाए भागेहिं अहिएहिं चउहिं चोयालेहिं सएहिं राइदिएहि छेत्ता, ता एगमेगं मंडलं सूरे कइहिं अहोरत्तेहिं चरइ ? ता दोहिं अहोरत्तेहिं चरइ, ता एगमेगं मंडलं गक्खत्ते कइहिं अहोरत्तहिं चरइ ? ता दोहि अहोरत्तेहिं चरइ दोहिं ऊणेहिं तिहिं सत्तसट्टेहिं सएहिं राइंदिएहिं छेत्ता, ता जुगेणं चंदे कइ मंडलाइं चरइ ? ता अट्ठ चुलसीए मंडलसए चरइ, ता जुगेणं सूरे कइ मंडलाइं चरइ ? ता णवपण्णरसमंडलसए चरइ, ता जुगेणं णक्खत्ते कइ मंडलाई चरइ ? ता अट्ठारस पणतीसे दुभागमंडलसए चरइ / इच्चेसा मुहुत्तगई रिक्खाइमासराइंदियजुगमंडलपविभत्ता सिग्धगई वत्थू आहितेति (वएजा) बेमि // 84 // पष्णरसमं पाहुडं समत्तं // 15 //
