________________ सोलसमं पाहुडं ता कहं ते दोसिणालक्खणे आहिएति वएजा ? ता चंदलेसाइ य दोसिणाइ य दोसिणाइ य चंदलेसाइ य के अढे किं लक्खणे ?, ता एगटे एगलक्खणे, ता कहं ते सूरलक्खणे आहिएति वएजा ? ता सूरलेस्साइ य आयवेइ य आयवेइ य सूरलेस्साइ य के अटे किं लक्खणे ? ता एगढे एगलक्खणे, ता कहं ते छायालक्खणे आहिएति वएज्जा ? ता अंधयारेइ य छायाइ य छायाइ य अंधयारेइ य के अटे किं लक्खणे ? ता एगढे एगलक्खणे // 85 // सोलसमं पाहुडं समत्तं // 16 // सत्तरसमं पाहुडं __ता कहं ते चयणोक्वाया आहितेति वएजा ? तत्थ खलु इमाओ पणवीसं पडिवत्तीओ पण्णत्ताओ, तं०-तत्थ एगे एवमाहंसु-ता अणुसमयमेव चंदिमसूरिया अण्णे चयंति अण्णे उववज्जति० एगे एवमाहंसु 1, एगे पुण एवमाहंसु-ता अणुमुहुत्तमेव चंदिमसूरिया अण्णे चयंति अण्णे उववज्जति...२, एवं जहेव हेट्ठा तहेव जाव ता एगे पुण एवमाहंसु-ता अणुउस्सप्पिणिओसप्पिणिमेव चंदिमसूरिया अण्णे चयंति अण्णे उववज्जति० एगे एवमाहंसु 25, वयं पुण एवं वयामो-ता चंदिमसूरियाणं जोइसिया देवा महिडिया महज्जुइया महाबला महाजसा महासोक्खा महाणुभावा वरवत्थधरा वरमल्लधरा वरगंधधरा वराभरणधरा अवोच्छित्तिणयट्ठयाए काले अण्णे चयंति अण्णे उववज्जति० // 86 // सत्तरसमं पाहुडं समत्तं // 17 // अट्ठारसमं पाहडं . ता कहं ते उच्चत्ते आहितेति वएजा ? तत्थ खलु इमाओ पणवीसं पडिवत्तीओ प०, तं०-तत्थेगे एवमाहंसु-ता एगं जोयणसहस्सं सूरे उड़े उच्चत्तेणं दिवढं चंदे एगे एवमाहंसु 1, एगे पुण एवमाहंसु-ता दो जोयणसहस्साई सूरे उट्टे उच्चत्तेणं अड्डाइजाइं चंदे एगे एवमाहंसु 2, एगे पुण एवमाहंसु-ता तिण्णि जोयणसहस्साई सूरे उड्डे उच्चत्तेणं अधुट्ठाई चंदे एगे एवमाहंसु 3, एगे पुण एवमाहंसु-ता चत्तारि जोयणसहस्साइं सूरे उर्दू उच्चत्तेणं अद्धपंचमाइं चंदे एगे एवमाइंसु 4, एगे पुण एवमाहंसु-ता पंच जोयणसहस्साइं सूरे उट्ठे उच्चत्तेणं अट्ठाई चंदे एगे एवमाहंसु ५,एगे पुण एवमाहंसु-ता छ जोयणसहस्साइं सूरे उड़े उच्चत्तेणं अद्धसत्तमाइं चंदे एगे एवमाहंसु ६,एगे पुण एवमाहंसु-ता सत्त जोयणसहस्साइं सूरे उड्डे उच्चत्तेणं अद्धट्ठमाई
