Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 22

जंबुद्दीवपण्णत्ती व. 2 613 णीओ वजविराइयपसत्थलक्खणणिरोदरतिवलियतणुणयमज्झिमाओ उज्जुयसमर हियजच्चतणुकसिणणिद्धआइजलडहसुजायसुविभत्तकंतसोभतरुइलरमणिज्जरोमराईओगंगावत्तयपयाहिणावत्ततरंग-भंगुर-रविकिरण-तरुण-बोहिय-अकोसायंतपउम-गंभीर-वियडणाभीओ अणुब्भडपसत्थपीणकुच्छीओ सण्णयपासाओ संगयपासाओ सुजायपासाओ मियमाइयपीणरइयपासाओ अकरंडुयकणगरुयगणिम्मलसुजायणिरुवहयगायलट्ठीओ कंचणकलसप्पमाणसमसहियलट्ठचुच्चुयामेलग-जमलजुयल-वट्टिय-अब्भुण्णय-पीणरइयपीवरपओहराओ भुयंगअणुपुव्वतणुयगोपुच्छवट्टसमसंहियणमियआइजललियबाहाओ तंबणहाओ मंसलग्गहत्थाओ पीवरकोमलवरंगुलियाओ णिद्धपाणिलेहाओ रविससिसंखचक्कसोत्थियसुविभत्तसुविरइयपाणिलेहाओ पीणुण्णयकक्खवक्खवत्थिप्पएसाओ पडिपुण्णगलकवोलाओ चउरंगुलसुम्पमाणकंबुवरसरिसगीवाओ मंसलसंठियपसत्थहणुगाओ दाडिमपुप्फप्पगासपीवरपलंबकुंचियवराधराओ सुंदरुत्तरोढाओ दहिदगरयचंदकुंदवासंतिमउलधवलअच्छिद्दविमलदसणाओ रत्तुप्पलपत्तमउय-सुकुमालतालुजीहाओ कणवीरमउलअकुडिलअब्भुग्गयउज्जुतुंगणासाओ सारयणवकमलकुमुयकुवलयविमलदलणियरसरिसर्लक्खणपसत्थअजिम्हकंतणयणाओ पत्तलधवलाययआतंबलोयणाओ आणामियचावरुइलकिण्हब्भराइसंगयसुजायभुमगाओ अल्लीणपमाणजुत्तसवणाओ सुसवणाओ पीणमट्टगंडलेहाओ चउरंसपसत्थसमणिडालाओ कोमुईरयणियर- . विमलपडिपुण्णसोमवयणाओ छत्तुण्णयउत्तमंगाओ अकविलसुसिणिद्धसुगंधदीह सिरयाओ छत्त 1 ज्झय 2 जूय 3 थूभ दामणि 4 कमंडलु 5 कलस 6 वावि 7 सोंत्थिय 8 पडाग 9 जव 10 मच्छ 11 कुम्म 12 रहवर 13 मगरज्झय 14 अंक 15 सुय 16 थाल 17 अंकुस 18 अट्ठावय 19 सुपइट्ठग 20 मऊर 21 सिरिआभिसेय 22 तोरण 23 मेइणि 24 उदहि 25 वरभवण 26 गिरि 27 वरआयंस 28 सलीलगय 29 उसभ 30 सीह 31 चामर 32 उत्तमपसत्थबत्तीसलक्खणधरीओ हंससरिसगईओ कोइलमहुरगिरसुस्सराओ कंताओ सव्वस्स अणुमयाओ ववगयवलिपलियवंगदुव्वण्णवाहिदोहग्गसोगमुक्काओ उच्चत्तेण य णराण थोवूणमुस्सियाओ सभावसिंगारचारवेसाओ संगयगयहसियभणियचिट्ठियविलाससंलावणिउणजुत्तोवयारकुसलाओ सुंदरथणजहणवयणकरचलणणयणलावण्णरूवजोवणविलासकलियाओ णंदणवणविवरचारिणीउव्व अच्छराओ भरहवासमाणुसच्छराओ अच्छेरगपेच्छणिजाओ पासाइयाओ जाव पडिरूवाओ, ते णं मणुया ओहस्सरा हंसस्सरा कोंचस्सरा णंदिस्सरा णंदिघोसा सीहस्सरा सीहघोसा सुस्सरा सूसरणिग्योसा छायाउज्जोवियंगमंगा