________________ 612 . अनंगपविट्ठसुत्ताणि . वणाई सालवणाई सरलवणाई सत्तिवण्णवणाई पूयफलिवणाई खजरीवणाई णालिएरीवणाई कुसविकुसविसुद्धरक्खमूलाई जाव चिट्ठति, तीसे णं समाए भरहे वासे तत्थ तत्थ...बहवे सेरियागुम्मा णोमालियागुम्मा कोरंटयगुम्मा बंधुजीवगगुम्मा मणोजगुम्मा बीयगुम्मा बाणगुम्मा कणइरगुम्मा कुजायगुम्मा सिंदुवारगुम्मा जाइगुम्मा मोग्गरगुम्मा जहियागुम्मा मल्लियागुम्मा वासंतियागुम्मा वत्थुल्गुम्मा कत्थुलगुम्मा सेवालगुम्मा अगत्थिगुम्मा मगदंतियागुम्मा चंपगगुम्मा जाईगुम्मा णदणीइयागुम्मा कुंदगुम्मा महाजाइगुम्मा रम्मा महामेहणिउरंबभूया दसद्धवणं कुसुमं कुसुमेंति जे णं भरहे वासे बहुसमरमणिज्जं भूमिभागं वायविधुयग्गसाला मुक्कपुप्फपुंजोवयारकलियं करेंति, तीसे णं समाए भरहे वासे तत्थ २...तहिं तहिं बहुईओ पउमलयाओ जाव सामलयाओ णिच्चं कुसुमियाओ जाव लयावण्णओ, तीसे णं समाए भरहे वासे तत्थ २...तहिं 2 बहुईओ वणराईओ. पण्णत्ताओ, किण्हाओ किण्होभासाओ जाव मणोहराओ रयमत्तगछप्पयकोरगभिंगारगकोंडलगजीवंजीवगणंदीमुहकविलपिंगलक्खगकारंडवचकवायगकल-हंसहंससारस-अणेगसउणगणमिहुणपवियरियाओ सद्दुण्णइयमहरसरणाइयाओ संपिंडिय० णाणाविहगुच्छ० वावीपुक्खरिणीदीहियासु अ सुणि० विचित्त० अभित० सांउ० णिरोगक० सव्वोउयपुप्फफलसमिद्धाओ पिंडिम जाव पासाईयाओ 4 / तीसे णं समाए भरहे वासे तत्थ तत्थ... तहिं 2 मत्तंगा णामं दुमगणा पण्णत्ता, से जहा० चंदप्पभा जाव छण्णपडिच्छण्णा चिटुंति, एवं जाव अणिगणा णामं दुमगणा पण्णत्ता // 20 // तीसे णं भंते ! समाए भरहे वासे मणुयाणं केरिसए आयारभावपडोयारे पण्णत्ते ? गो० ! ते णं मणुया सुपइट्ठियकुम्मचारुचलणा जाव लक्वणवंजणगुणोववेया सुजायसुविभत्तसंगयंगा पासाईया जाव पडिरूवा / तीसे णं भंते ! समाए भरहे वासे मणुईणं केरिसए आयारभावपडोयारे पण्णत्ते ? गो० ! ताओ णं मणुईओ सुजायसव्वंगसुंदरीओ पहाणमहिलागुणेहिं जुत्ताओ अइक्कंतविसप्पमाणमउयाओ सुकुमालकुम्मसंठियविसिट्ठचलणाओ उज्जुमउयपीवरसुसाहयंगुलीओ अब्भुण्णयरइयतलिणतंबसुइणिद्धणक्खाओ रोमरहियवट्टलट्ठसंठियअजहण्णपसत्थलपखणअकोप्पजंघजुयलाओ सुणिम्मियसुगूढसुजण्णुमंडलसुबद्धसंधीओ कयलीखंभाइरेगसंठियणिव्वणसुकुमालमउयमंसलअविरलसमसंहियसुजायवट्टपीवरणिरंतरोरू अट्ठावयवीइयपट्ठसंठियपसत्थविच्छिण्णपिहुलसोणीओ ववणायामप्पमाणदुगुणियविसालमंसलसुंबद्धजहणवरधारि
