________________ 614 अनंगपविट्ठसुत्ताणि . वजरिसहणारायसंधयणा समचउरंससंठाणसंठिया छविणिरायंका अणुलोमवाउवेगा कंकग्गहणी कवोयपरिणामा सउणिपोसपिटुंतरोरुपरिणया छद्धणुसहस्समूसिया, तेसि णं मणुयाणं बेछप्पण्णा पिट्ठकरंडगसया पण्णत्ता समणाउसो !, पउमुप्पलगंधसरिसणीसाससुरभिवयणा, ते णं मणुया पगईउवसंता पगईपयणुकोहमाणमायालोभा मिउमद्दवसंपण्णा अल्लीणा भद्दगा विणीया अप्पिच्छा असण्णिहिसंचया विडिमंतरपरिवसणा जहिच्छियकामकामिणो // 21 // तेसि णं भंते ! मणुयाणं केवइकालस्स आहारट्टे समुप्पजइ ? गोयमा ! अट्ठमभत्तस्स आहारटे समुप्पजइ, पुढवीपुफ्फफलाहारा णं ते मणुया पण्णत्ता समणाउसो !, तीसे णं भंते !0 पुढवीए केरिसए आसाए पण्णत्ते ? गो० ! से जहाणामए-गुलेइ वा खंडेइ वा सक्कराइ वा मच्छंडियाइ वा पप्पडमोयएइ वा भिसेइ वा पुप्फुत्तराइ वा पउमुत्तराइ वा विजयाइ वा महाविजयाइ वा आगासियाइ वा आदंसियाइ वा आगासफलोवमाइ वा उवमाइ वा अणोवमाइ वा इमेए अज्झोववणाए, भवे एयारूवे ?, णो इणढे समढे, सा णं पुढवी इत्तो इट्टतरिया चेव जाव मणामतरिया चेव आसाएणं पणत्ता। तेसि णं भंते ! पुष्फफलाणं केरिसए आसाए पण्णत्ते ? गोयमा! से जहाणामए-रण्णो चाउरंतचक्कवट्टिस्स कल्लाणे भोयणजाए सयसहस्सणिप्फण्णे वण्णेणुववेए जाव फासेगं उववेए आसायणिज्जे विस्सायणिज्जे दिप्पणिज्जे दप्पणिज्जे मयणिज्जे [विग्घणिज्जे] बिहणिज्जे सञ्चिदियगायपल्हायणिज्जे, भवे एयारूवे ?, णो इणढे समझे, तेसि णं पुप्फफलाणं एत्तो इट्टतराए चेव जाव आसाए पण्णत्ते // 22 // ते णं भंते ! मणुया तमाहारमाहारेत्ता कहिं वसहिं उति ? गोयमा ! रुक्खगेहालया णं ते मणुया पण्णत्ता समणाउसो !, तेसि णं भंते ! रुक्खाणं केरिसए आयारभावपडोयारे पण्णत्ते गो० ! कूडागारसंठिया पेच्छाछत्तज्झयथूभतोरणगोयरवेइयाचोप्फालगअट्टालगपासायहम्मियगवक्खवालग्गपोइयावलभीघरसंठिया अत्थण्णे इत्थ बहवे वरभवणविसिट्ठसंठाणसंठिया दुमगणा सुहसीयलच्छाया पण्णत्ता समणाउसो ! // 23 // अस्थि णं भंते ! तीसे समाए भरहे वासे गेहाइ वा गेहावणाइ वा ? गोयमा ! णो इणढे समढे, रुक्खगेहालया णं ते मणुया पण्णत्ता समणाउसो !, अस्थि णं भंते। तीसे समाए भरहे वासे गामाइ वा जाव संणिवेसाइ वा ? गोयमा ! णो इणटे समढे, जहिच्छियकामगामिणो णं ते मणुया पण्णत्ता०, अत्थि णं भंते !0 असीइ वा मसीइ वा किसीइ वा वणिएत्ति वा पणिएत्ति वा वाणिज्जेइ वा ? गो० ! •णो इणढे समढे,
