________________ 782 अनंगपविट्ठसुत्ताणि दिवसे भवइ तया णं उत्तरहेवि दिवसे भवइ, जया णं उत्तरड्डे दिवसे भवइ तया णं धायइसंडे दीवे मंदराणं पव्वयाणं पुरथिमपच्चत्थिमेणं राई भवइ, एवं जम्बुद्दीवे 2 जहा तहेव जाव उस्सप्पिणी०, कालोए णं जहा लवणे समुद्दे तहेव, ता अब्भतरपुक्खरद्धे णं सूरिया उदीणपाईणमुग्गच्छ तहेव, ता जया णं अभंतरपुक्खरद्धे णं दाहिणड्डे दिवसे भवइ तया णं उत्तरड्डेवि दिवसे भवइ, जया णं उत्तरड्ढे दिवसे भवइ तया णं अभितरपुक्खरद्धे मंदराणं पव्ययाणं पुरस्थिमपञ्चत्थिमेणं राई भवइ, सेसं जहा जम्बुद्दीवे 2 तहेव जाव उस्सप्पिणीओसप्पिणीओ // 27 // अटुमं पाहुडं समत्तं / / / / णवमं पाहुडं ता कइकटुं ते सूरिए पोरिसिच्छायं णिवत्तेइ आहितेति वएजा ? तत्थ खलु इमाओ तिण्णि पडिवत्तीओ पण्णत्ताओ, तं०-तत्थेगे एवमाहंसु-ता जे णं पोग्गला सूरियस्स लेसं फुसंति ते णं पोग्गला संतप्पंति, ते णं पोग्गला संतप्पमाणा तयणंतराई बाहिराइं पोग्गलाई संतावेंतीति एस णं से समिए तावक्खेत्ते एगे एवमाहंसु 1, एगे पुण एवंमाहंसु-ता जे णं पोग्गला सूरियस लेसं फुसंति ते णं पोग्गला णो संत पंति, ते णं पोग्गला असंतप्पमाणा तयणंतराइं बाहिराई पोग्गलाई णो संतावेतीति एस णं से समिए तावक्खेत्ते एगे एवमाहंसु 2, एगे पुण एवमाहंसु-ता जे णं पोग्गला सूरियस्स लेसं फुसंति ते णं पोग्गला अत्थेगइया संतप्पंति अत्यंगइया णो संतप्पंति, तत्थ अत्थेगइया संतप्पमाणा तयणंतराई बाहिराइं पोग्गलाई संताति अत्थेगइया असंतप्पमाणा तयणंतराई बाहिराई पोग्गलाई णो संताति, एस णं से समिए तावक्खेत्ते एगे एवमाहंसु 3 / वयं पुण एवं वयामो-ता जाओ इमाओ चंदिमसूरियाणं देवाणं विमाणेहिंतो लेसाओ बहिया [उच्छूढा] अभिणिसट्टाओ पताति, एयासि ण लेसाणं अंतरेसु अण्णयरीओ छिण्णलेसाओ संमुच्छंति, तए णं ताओ छिण्णलेसाओ संमुच्छ्यिाओ समाणीओ तयणंतराइं बाहिराइं पोग्गलाई संतावेति इइ एस णं से समिए तावक्खेत्ते // 28 // ता कइकट्ठे ते सूरिए पोरिसिच्छायं णिव्वत्तेइ आहितेति वएजा ? तत्थ खलु इमाओ पणवीसं पडिवत्तीओ पण्णत्ताओ, तं०-तत्थेगे एवमाहंसु-ता अणुसमयमेव सूरिए पोरि सिच्छायं णिवत्तेइ आहितेति वएजा एगे एवमाहंसु 1, एगे पुण एवमाहंसु-ता अप्पुमुहुत्तमेव सूरिए
