________________ चंदपण्णत्ती पा.ह 783 पोरिसिच्छाय णिवत्तेइ आहितेति वएजा०, एवं एएणं अभिलावेणं णेयव्वं, ता जाओ चेव ओयसंठिईए पणवीसं पडिवत्तीओ ताओ चेव णेयवाओ जाव अणुउस्सप्पिणी मेव सूरिए पोरिसिच्छायं णिव्वत्तेइ आहिताति वएजा, एगे एवमाहंसु 25 / वयं पुण एवं वयामो-ता सूरियस्स ण उच्चत्तं च लेसं च पडुच्च छाउद्देसे उच्चत्तं च छायं च पडुच्च लेसुद्देसे लेसं च छायं च पडुच्च उच्चत्तुद्देसे, तत्थ खलु इमाओ दुवे पडिवत्तीओ पण्णत्ताओ,तं०-तत्थेगे एवमाहंसु-ता अत्थि णं से दिवसे जंसि च णं दिवसंसि सूरिए चउपोरिसिच्छायं णिवत्तेइ,अस्थि णं से दिवसे जंसि च णं दिवसंसि सूरिए दुपोरिसिच्छायं णिव्वत्तेइ० एगे एवमाइंसु 1, एगे पुण एवमाहंसु-ता अस्थि णं से दिवसे जंसि चणं दिवसंसि सूरिए दुपोरि सिच्छायं णिवत्तेइ, अस्थि णं से दिवसे जंसि० दिवसंसि सूरिए णो किंचि पोरिसिच्छायं णिवत्तेइ०२, तत्थ जे ते एवमाहंसु-ता अस्थि णं से दिवसे जसि च णं दिवसंसि सूरिए चउपोरि सियं छायं णिव्वत्तेइ, अस्थि णं से दिवसे जंसि च णं दिवसंसि सूरिए दुपोरि सियं छायं णिवत्तेइ, ते एवमाईसु-ता जया णं सूरिए सव्वब्भंतरं मंडलं उसंकरित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, तंसि च णं दिवसंसि सूरिए चउपोरिसियं छायं णिवत्तेइ, . तं०-उग्गमणमुहत्तंसि य अत्थमणमुहत्तंसि य, लेसं अभिवढेमाणे णो चेव णं णिवुद्देमाणे, ता जया- णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहत्ते दिवसे भवइ, तंसि च णं दिवससि सूरिए दुपोरिसियं छायं णिवत्तेइ, तं०उंग्गमणमुहुत्तंसि य अत्थमणमुहुत्तंसि य, लेसं अभिवुढेमाणे णो चेव णं णिवुड्डेमाणे० 1, तत्थ णं जे ते एवमासु–ता अत्थि णं से दिवसे जंसि च णं दिवसंसि सूरिए दुपोरिसियं छायं णिवत्तेइ, अत्थि णं से दिवसे जंसि च णं दिवसंसि सूरिए णो किंचि पोरिसियं छायं णिवत्तेइ, ते एवमाहंसु-ता जया णं सूरिए सत्वभंतरं मंडलं उवसंकमित्ता चारं चरइ तयाणं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, तंसि च णं दिवसंसि सूरिए दुपोरिसियं छायं णिव्वत्तेइ, तं०-उग्गमणमुहुत्तंसि य अत्थमणमुहुत्तंसि य, लेसं अभिवडेमाणे णो चेव णं णिबुड्ढेमाणे०,ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुहुत्ता राई भवइ,
