________________ - जंबुद्दीवपण्णत्ती व. 7 745 उवरिल्ले णं तारारूवे चारं चरइ // 165 // जम्बुद्दीवे णं भंते ! दीवे अट्ठावीसाए णक्र ताणं कयरे णक्खत्ते सव्वन्भंतरिल्लं चारं चरइ ? कयरे णवखत्ते सव्वबाहिरं चारं चरइ ? कयरे०सव्वहिडिल्लं चार चरइ ? कयरे०सव्वउवरिल्लं चार चरइ ?, गोयमा ! अभिई णक्खत्ते सव्वब्भंतरं चारं चरइ, मूलो सत्वबाहिरं चार चरइ,भरणी सव्वहिटिल्लगं०साई सब्बुवरिल्लगं चारं चरइ। चंदविमाणे णं भंते ! किंसंटिए पण्णत्ते ? गोयमा ! अद्धकविट्ठसंठाणसंठिए सव्वफालियामए अब्भुग्गयमूसिए एवं सव्वाई णेयव्वाई,चंदविमाणे णं भंते ! केवइयं आयामविखंभेणं केवइयं बाहल्लेणं पप्णत्ते ? गोयमा ! छप्पण्णं खलु भाए विच्छिण्णं चंदमंडलं होइ / अट्ठावीसं भाए बाहरुलं तस्स बोद्धव्वं // 1 // अडयालीसं भाए विच्छिण्णं सूरमण्डलं होइ / चउवीसं खलु भाए बाहल्लं तस्स बोद्धव्वं // 2 // दो कोसे य गहाणं णक्खत्ताणं तु हवइ तस्सद्धं / तस्सद्धं ताराणं तस्सद्धं चेव बाहल्लं // 3 // 166 // चंदविमाणं णं भंते ! कइ देवसाहस्सीओ परिवहंति ? गोयमा ! सोलस देवसाहस्सीओ परिवहति / चंदविमाणस्स णं पुरथिमेणं सेयाणं सुभगाणं सुप्पभाणं संखतलविमलणिभ्मलदहिघणगोखीरफेणरययणिगरप्पगासाणं थिरलट्ठपवह पीवरसुसिलिट्ठ-विसिट्टतिरुदाढाविडंबियमुहाणं रत्तुप्पलपत्तमउयसुकुमालतालुर्जहाण महुगुलियपिंगलबखाणं पीवरखरोरुपडिपुण्णंविउलखंधाणं मिउविसयसुहमलक्खणपसत्थवरवाणकेसरसडोवसोहियाणं ऊसियसुणमियसुजायअप्फोडियलंगूलाणं वइरामयणदखाणं वइरामयदाढाणं वइरामयदंताणं तवणिजजीहाणं तवणिजतालुयाणं तवणिज्जजोत्तगसुजोइयाणं कामगमाणं पीइगमाणं मणोगमाणं मणोरंमाणं अमियगईणं अमियदलव रियपुरिसक्कारपरकमाणं महया अप्फोडियसीहणायबोलकलकलरवेणं महुरेणं मणहरेणं पूरेता अंबरं दिसाओ य सोभयंता चत्तारि देवसाहस्सीओ सीहरूवधारीणं पुरथिमिल्लं. बाहं परिवहंति / चंदविमाणस्स णं दाहिणेणं सेयाणं सुभगाणं सुप्पभाणं संखतलविमलणिन्मलदहिघणगोखीरफेणरययणिगरप्पगासाणं वइरामयकुंभजुयलसुट्ठियपीवरवरवइरसोंडवट्टियदित्तसुरत्तपउमप्पगासाणं अब्भुण्णयमुहाणं तवणिज विसालकण्णचंचलचलतविम.लुजलाणं महुवण्णभिसंतणिद्धपत्तलणिम्मलतिवण्णमणिरयणलोयणाणं अन्भुगयमउल मल्लियाधवलसरिससंठिय-णिव्वणदढकसिणफालियामयसुजाय- दंतमुसलोक्सोभियान कंचणकोसीपविठ्ठदंतग्गविमलमणिरयणरुइलपेरंतचित्तरूवगविराइयाणं तवाणिजविसालतिलगप्पमुहपरिमंडियाणं णाणामणिरयणमुद्धगेविजबद्धगलयवरभूसणाणं वेरुलिय
