________________ 744 अनंगपविद्वसुताणि पुव्वासाढा पण्णरस राइंदियाई णेइ, उत्तरासाढा एगं राइंदियं णेइ, तया णं वट्टीए समचउरंससंठाणसंठियाए णग्गोहपरिमण्डलाए सकायमणुरंगियाए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च प दिवसंसि लेहट्ठाई दो पयाई पोरिसी भवइ / एएसि णं पुव्ववण्णियाणं पयाणं इमा संगहणी, तं०-जोगो देवयतारग्गगोत्तसंठाण चंदरविजोगो / कुलपुण्णिमअमवस्सा णेया छाया य बोद्धव्वा // 1 // 162 // गाहा-हिहिँ ससिपरिवारो मंदरऽबाहा तहेव लोगंते / धरणितलाओ अबाहा अंतो बाहिं च उड्डमुहे // 1 // संठाणं च पमाणं वहंति सीहगई इथिमंता य / तारंतरऽग्गमहिसी तुडिय पह ठिई य अप्पबहू // 2 // अत्थि णं भंते ! चंदिमसूरियाणं हिटिंपि तारारूवा अणुंपि तुल्लावि समेवि तारारूवा अणुंपि तुल्लावि उपिंपि तारारूवा अणुंपि तुल्लावि ? हंता गोर्यमा ! तं चेव उच्चारेयवं, से केणटेणं भंते ! एवं बुच्चइ-अस्थि णं० जहा जहा णं तेसिं देवाणं तवणियमबंभचेराइं ऊसियाई भवंति तहा तहा णं तेसि णं देवाणं एवं पण्णायए, तंजहा-अणुत्ते वा तुल्लत्ते वा, जहा जहा णं तेसिं देवाणं तवणियमबंभचेराई णो ऊसियाई भवंति तहा तहा णं तेसिं देवाणं एवं णो पण्णायए, तं०-अणुत्ते वा तुलत्ते वा // 163 // एगमेगस्स णं भंते ! चंदस्स केवइया महग्गहा परिवारो केवइया णक्खत्ता परिवारो केवइयाओ तारागणकोडाकोडीओ पण्णत्ताओ ? गोयमा ! अट्ठासीइमहग्गहा परिवारो अट्ठावीसं णक्खत्ता परिवारो छावट्ठिसहस्साइं णव सया पण्णत्तरा तारागणकोडाकोडीओ पण्णत्ताओ // 164 // मंदरस्स णं भंते ! पव्वयस्स केवइयाए अबाहाए जोइसं चार चरइ ? गोयमा ! इक्कारसहिं इक्कवीसेहिं जोयणसएहिं अबाहाए जोइसं चारं चरइ, लोगंताओ णं भंते ! केवइयाए अबाहाए जोइसे पण्णत्ते ? गोयमा ! एक्कारस एक्कारसेहिं जोयणसएहिं अबाहाए जोइसे पण्णत्ते / धरणितलाओ णं भंते !* सत्तहिं णउएहिं जोयणसएहिं जोइसे चारं चरइत्ति, एवं सूरविमाणे अट्टहिं सएहि, चंदविमाणे अट्ठहिं असीएहिं, उवरिल्ले तारारूवे णवर्हि जोयणसएहिं चारं चरइ / जोइसस्स णं भंते ! हेट्ठिल्लाओ तलाओ केवइयाए अबाहाए सूरविमाणे चारं चरइ ? गोयमा ! दसहिं जोयणेहिं अबाहाए चार चरइ, एवं चंदविमाणे णउईए जोयणेहिं चार चरइ, उवरिल्ले तारारूवे दसुत्तरे जोयणसए चारं चरइ, सूरविमाणाओ चंदविमाणे असीईए जोयणेहिं चारं चरइ, सूरविमाणाओ जोयणसए उवरिल्ले तारारूवे चारं चरइ, चंदविमाणाओ वीसाए जोयणेहि
