Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 152

. जंबुद्दीवपण्णत्ती व. 7 दोच्चं मासं कई णक्खत्ता ऐति ? गोयमा! चत्तारि णक्खत्ताणेति, तंजहा-मिगसिरं अदा पुणव्वसू पुस्सो, मिगसिरं चउद्दस राइंदियाई णेइ, अद्दा अट्ठ० णेइ, पुणव्वसू सत्त राइंदियाइं० पुस्सो एगं राइंदियं णेइ, तया णं चउव्वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि लेहट्ठाइं चत्तारि पयाई पोरिसी भवइ, हेमंताणं भंते ! तच्च मासं कइ णक्खत्ता णेति ? गोयमा ! तिण्णि०, तं०-पुस्सो असिलेसा महा, पुस्सो चोद्दस राइंदियाई णेइ, असिलेसा पण्णरस० महा एक्कं, तया णं वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिण्णि पयाइं अटुंगुलाई पोरिसी भवइ / हेमंताणं भंते! चउत्थं मासं कइ णक्खत्ता ऐति ? गोयमा ! तिण्णि ण०, तं०-महा पुव्वाफग्गुणी उत्तराफग्गुणी,. महा चउद्दस राइंदियाइं णेइ, पुव्वाफग्गुणी पण्णरस राइंदियाई णेइ, उत्तराफग्गुणी एगं राइंदियं णेइ, तयाणं सोलसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिण्णि पयाइं चत्तारि अंगुलाई पोरिसी भवइ / गिम्हाणं भंते ! पढमं मासं कइ णक्खत्ता ऐति ? गोयमा ! तिण्णि णक्खत्ता ऐति, तं०-उत्तराफग्गुणी हत्थो चित्ता, उत्तराफग्गुणी चउद्दस राइंदियाइं णेइ, हत्थो पण्णरस राइंदियाइंणेइ, चित्ता एगं राइंदियं णेइ, तया णं दुवालसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि लेहट्ठाई तिण्णि पयाइं पोरिसी भवइ, गिम्हाणं भंते ! दोच्चं मासं कइ णक्खत्ता ऐति ? गोयमा ! तिण्णि णक्खत्ता ऐति, तं०-चित्ता साई विसाहा, चित्ता चउद्दस राइंदियाइं णेइ, साई पण्णरस राइंदियाइं णेइ, विसाहा एगं राइंदियं णेइ, तया णं अटुंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि दो पयाई अटुंगुलाई पोरिसी भवइ / गिम्हाणं भंते! तच्चं मासं कइ णक्खत्ता णेंति ? गोयमा! चत्तारि णक्खत्ता ऐति, तंजहा-विसाहाऽणुराहा जेट्ठा मूलो, विसाहा चउद्दस राइंदियाइं णेइ, अणुराहा अट्ट राइंदियाइं णेइ, जेट्ठा सत्त राइंदियाइं णेइ, मूलो एक्कं .राइंदियं०, तया णं चउरंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि दो पयाइं चत्तारि य अंगुलाई पोरिसी भवइ / गिम्हाणं भंते ! चउत्थं मासं कइ णक्खत्ता ऐति ? गोयमा ! तिण्णि णक्खत्ता ऐति, तं०-मूलो पुव्वासाढा उत्तरासाढा, मूलो चउद्दस राइंदियाइं णेइ,