Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 151

742 अनंगपविट्ठसुत्ताणि . उवकुलं वा जोएइ // जया णं भंते ! साविट्ठी पुण्णिमा भवई तया णं माही अमावासा भवइ जया णं माही पुण्णिमा भवइ तया णं साविट्ठी अमावासा भवइ ? हंता गोयमा ! जया णं साविट्ठी तं चेव वत्तव्वं, जया णं भंते ! पोट्ठवई पुण्णिमा भवइ तया णं फग्गुणी अमावासा भवइ जया णं फग्गुणी पुणिमा भवइ तया णं पोट्ठवई अमावासा भवइ ? हंता गोयमा ! तं चेव, एवं एएणं अभिलावेणं इमाओ पुण्णिमाओ अमावासाओ णेयव्वाओ-अस्सिणी पुण्णिमा चेत्ती अमावासा कत्तिगी पुण्णिमा वइसाही अमावासा मग्गसिरी पुण्णिमा जेट्ठामूली अमावासा पोसी पुण्णिमा असाढी अमावासा।।१६शावासाणं भंते ! पढमं मासं कइ णवखत्ता ऐति ? गोयमा ! चत्तारि णक्खत्ता णेति, तं०-उत्तरासाढा अभिई संवणो धणिट्ठा, उत्तरासाढा चउद्दस अहोरत्ते णेइ,अभिई सत्त अहोरत्ते णेइ,सर्वणो अट्टहोरत्ते णेइ,धणिट्ठा एगं अहोरत्तं णेइ, तंसि च णं मासंसि चउरंगुलपोरिसीए छायाए सूरिए अणुपरियट्टइ, तस्स णं मासस्स चरिमदिवसे दो पया चत्तारि य अंगुला पोरिसी भवइ / वासाणं भंते ! दोच्च मासं कइ णक्खत्ता ऐति ? गोयमा! चत्तारि०, तं०-धणिट्ठा सयभिसया पुवामविया उत्तराभद्दवया, धणिट्ठा णं चउद्दस अहोरत्तेणेइ, सयभिसया सत्त अहोरत्ते णेइ, पुवाभद्दवया अट्ठ अहोरत्ते णेइ, उत्तराभद्दवया एगं अहोरत्तंणेइ तंसि च णं मासंसि अटुंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे दो पया अट्ठ य अंगुला पोरिसी भवइ। वासाण णं भंते! तइयं मासं कइ णक्खत्ता णेति ? गो०! तिण्णि णक्खत्ता ऐति, तं०-उत्तरभद्दवया रेवई अस्सिणी, उत्तरभद्दवया चउद्दस राइदिए णेइ, रेवई पण्णरस० अस्सिणी एगं०, तंसि च णं मासंसि दुवालसंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिघसे लेहट्ठाई तिण्णि पयाइं पोरिसी भवइ / वासाणं भंते ! चउत्थं मासं कइ णक्खत्ता णेति ? गोयमा! तिणि 0, तं०अस्सिणी भरणी कत्तिया, अस्सिणी चउद्दस० भरणी पण्णरस० कत्तिया एग०, तंसि च णं मासंसि सोलसंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे तिण्णि पयाइं चत्तारि अंगुलाई पोरिसी भवइ / हेमंताणं भंते ! पढमं मासं कइ णक्खत्ता णेति ? गोयमा ! तिण्णि०, तं०-कत्तिया रोहिणी मिगसिरं, कत्तिया चउद्दस० रोहिणी पण्णरस० मिगसिरं एग अहोरत्तं णेइ, तंसि च णं मासंसि वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिणि पयाइं अट्ठ य अंगुलाई पोरिसी भवइ, हेमंताणं भंते !