________________ 718 अनंगपविट्ठसुत्ताणि जम्मणभवणे जेणेव तित्थयरमाया तेणेव उवागच्छइ 2 ता भगवं तित्थयरं माऊए पासे ठवेइ 2 त्ता तित्थयरपडिरूवगं पडिसाहरइ 2 त्ता ओसोवर्णि पडिसाहरइ 2 त्ता एगं महं खोमजुयलं कुंडलजुयलं च भगवओ तित्थयरस्स उस्सीसगमूले टवेइ र त्ता एगं महं सिरिदामगंडं तवणिज्जलंबूसगं सुवण्णपयरगमंडियं णाणामणिरयणविविहहारद्धहारउवसोहियसमुदयं भगवओ तित्थयरस्स उल्लोयंसि णिक्खिवइ तण्णं भगवं तित्थयरे अणिमिसाए दिट्ठीए देहमाणे 2 सुहंसुहेणं अभिरसमाणे 2 चिट्ठइ, तए णं से सक्के देविंदे देवराया वेसमणं देवं सद्दावेइ 2 त्ता एवं वयासी-खिप्पामेव भो देवाणुप्पिया ! बत्तीसं हिरणकोडीओ बत्तीसं सुवण्णकोडीओ बत्तीसं रयणकोडीओ बत्तीसं णंदाई बत्तीसं भद्दाई सुभगे सुभगरूवजुव्वणलावण्णे य भगवओ तित्थयररस जम्मणभवणंसि साहराहि 2 त्ता एयमाणत्तियं पच्चप्पिणाहि, तए णं से वेसमणे देवे सक्केणं जाव विणएणं वयणं पडिसुणेइ 2 त्ता भए देवे सद्दावेइ 2 त्ता एवं वयासीखिप्पामेव भो देवाणुप्पिया ! बत्तीसं हिरण्णकोडीओ जाव भगवओ तित्थयरस्स जम्मणभवणंसि साहरह साहरित्ता एयमाणत्तियं पच्चप्पिणह, तए णं ते जंभगा देवा वेसमणेणं देवेणं एवं वुत्ता समाणा हट्टतुट्ठ जाव खिप्यामेव बत्तीसं हिरण्णकोडीओ जाव भगवओ तित्थगरस्स जम्मणभवणंसि साहरंति २त्ता जेणेव वेसमणे देवे तेणेव जाव पञ्चप्पिणंति, तए णं से वेसमणे देवे जेणेव सक्के देविंदे देवराया जाव पच्चप्पिणइ / तए णं से सक्के देविंदे देवराया आभिओगे देवे सद्दावेइ २त्ता एवं वयासी-खिप्पामेव भो देवाणुप्पिया ! भगवओ तित्थयरस्स जम्मणणयरंसि सिंघाडग जाव महापहपहेसु महया 2 सद्देणं उग्घोसेमाणा 2 एवं वदह-हंदि सुणंतु भवंतो बहवे भवणवइवाणमंतरजोइसवेमाणिया देवा य देवीओ य जे णं देवाणुप्पिया !0 तित्थयरस्स तित्थयरमाऊए वा असुभं मणं पधारेइ तस्स णं अजगमंजरिया इव सयहा मुद्धाणं फुटउत्तिक घोसणं घोसेह 2 त्ता एयमाणत्तियं पच्चप्पिणहत्ति, तए णं ते आभिओगा देवा जाव एवं देवोत्ति आणाए विणएणं वयणं पडिसुणंति २त्ता सक्कस्स देविंदस्स देवरण्णो अंतियाओ पडिणिक्खमंति २त्ता खियामेव भगवओ तित्थयरस्स जम्मणणगरंसि सिंघाडग जाव एवं वयासी-हंदि सुणंतु भवंतो बहवे भवणवइ जाव जे णं देवाणुप्पिया !0 तित्थयरस्स जाव फुट्टिहीतिकट्ट घोसणगं घोसेंति 2 ता एयमाणत्तियं पञ्चप्पिणंति, तए णं ते बहवे भवणव इवाणमंतरजोइसवेमाणिया
