________________ जंबुद्दीवपण्णत्ती व. 5 716 देवा भगवओ तित्थयरस्स जम्मणमहिमं करेंति 2 त्ता जेणेव गंदीसरदीवे तेणेव उवागच्छंति 2 त्ता अट्ठाहियाओ महामहिमाओ करेंति 2 त्ता जामेव दि सिं पाउभूया तामेव दिसिं पडिगया // 123 // पंचमो वक्खारो समत्तो॥ छठो वक्खारो जंबुद्दीवस्स णं भंते ! दीवस्स पएसा लवणसमुदं पुट्ठा ? हंता ! पुठ्ठा,ते णं भंते ! किं जंबुद्दीवे दीवे लवणसमुद्दे 1 गोयमा ! जंबुद्दीवे णं दीवे णो खलु लवणसमुद्दे, एवं लवणसमुदस्सवि पएसा जंबुद्दीवे दीवे पुट्ठा भाणियव्वा। जंबुद्दीवेणं भंते !०दीवे जीवा उद्दाइत्ता 2 लवणसमुद्दे पच्चायंति ? गो०! अत्थेगइया पच्चायति अत्थेगइया णो पच्चायंति, एवं लवणसमुदस्सवि जंबुद्दीवे दीवे णेयव्वमिति // 124 // खंडा 1 जोयण 2 वासा 3 पव्वय 4 कूडा 5 यतित्थं 6 सेढीओ 7 / विजय८ दह 9 सलिलाओ 10 पिंडए होइ संगहणी // 1 // जंबुद्दीवे णं भंते ! दीवे भरहप्पमाणमेत्तेहिं खंडेहिं केवइयं खंडगणिएणं प०१ गो० ! णउयं खंडसयं खंडगणिएणं पण्णत्ते / जंबुद्दीव णं भंते ! दीवे केवइयं जोयणगणिएणं पण्णत्ते ? गोयमा ! गाहा-सत्तेव य कोडिसया णउया छप्पण्ण सयसहस्साई / चउणवई च सहस्सा सयं दिवढे च गणियपयं // 1 // जंबुद्दीवे णं भंते ! दीवे कइ वासा पण्णत्ता ? गोयमा ! सत्त वासा प०, तंजहा-भरहे एरवए हेमवए हेरण्णवए हरिवासे रम्मगवासे महाविदेहे, जंबुद्दीवे णं भंते ! दीवे केवइया वासहरा पव्वया केवइया मंदरा पव्वया पण्णत्ता केवइया चित्तकूडा केवइया विचित्तकूडा केवइया जमगपव्वया केवइया कंचणगपव्वया केवइया वक्खारपव्वया केवइया दीहवेयड्डा केवइया वट्टवेयड्ढा पण्णत्ता ? गोयमा ! जंबुद्दीवे 2 छ वासहरपव्वया एगे मंदरे पव्वए एगे चित्तकूडे एगे विचित्तकूडे दो जमगपव्वया दो कंचणगपव्वयसया वीसं वक्खारपव्वया चोत्तीसं दीहवेयड्ढा०, एवामेव सपुव्वावरेणं जंबुद्दीवे दीवे दुण्णि अउणत्तरा पव्वयसया भवंतीतिमक्खायं / जंबुद्दीवे णं भंते ! दीवे केवइया वासहरकूडा केवइया वक्खारकूडा केवइया वेयड्डकूडा केवइया मंदरकूडा प०? गो !"छप्पण्णं वासहरकूडा छण्णउहं वक्खारकूडा तिण्णि छलुत्तरा वेयकूडसया णव मंदरकूडा.पण्णत्ता, एवामेव सपुव्वावरेणं जंबुद्दीवे 2 चत्तारि सत्तट्ठा कूडसया भवंतीतिमक्खायं / जंबुद्दीवे णं भंते ! दीवे भरहे वासे कइ तित्था प० ? गो० ! तओ तित्था प०, तं०-मागहे वरदामे पभासे, जंबुद्दीवे० एखए वासे कइ
