________________ 717 जंबुद्दीवपण्णत्ती व. 5 मणिरयणभत्तिचित्तं कालागुरुपवरकुंदरक-तुरुक्कधूवगंधूत्तमाणुविद्धं च धूमवर्टि विणिम्मुयंतं वेरुलियमयं कडुच्छुयं पग्गहित्तु पयएणं धूवं दाउण जिणवरिंदस्स सत्तट्ठपयाई ओसरित्ता दसंगुलियं अंजलिं करिय मत्थयंसि पयओ अट्ठसयविसुद्धगंथजुत्तेहिं महावित्तेहिं अपुणरुत्तेहिं अत्थजुत्तेहिं संथुणइ 2 त्ता वाम जाणु अंचेइ 2 त्ता जाव करयलपरिग्गहियं० मत्थए अंजलिं कट्ट एवं वयासीणमोऽत्थु ते सिद्ध-बुद्ध-णीरयसमणसमाहिय-समत्त-समजोगि-सल्लगत्तणणिब्भय-णीरागदोसणिम्मम-णिस्संगणीसल्लमाणमूरणगुणरयणसीलसागरमणतमप्पमेयभवियधम्मवरचाउरंतचक्कवट्टी णमोऽत्थु ते अरहओत्तिकट्ट एवं वंदइ णमंसइ वं०२त्ता णच्चासण्णे णाइदूरे सुस्सूसमाणे जाव पज्जुवासइ, एवं जहा अच्चुयस्स तहा जाव ईसाणस्स भाणियव्यं, एवं भवणवइवाणमंतर जोइसिया य सूरपज्जवसाणा सएणं 2 परिवारेणं पत्तेयं 2 अभिसिंचंति, तए णं से ईसाणे देविंदे देवराया पंच ईसाणे विउव्वइ 2 त्ता एगे ईसाणे भगवं तित्थयरं करयलसंपुडेणं गिण्हइ रत्ता सीहासणवरगए पुरत्थाभिमुहे सण्णिसण्णे एगे ईसाणे पिट्टओ आयवत्तं धरेइ दुवे ईसाणा उभओ पासिं चामरुक्खे करेंति एगे ईसाणे पुरओ सूलपाणी चिट्ठइ,तए णं से सक्के देविंदे देवराया आभिओगे देवे सद्दावेइ रत्ता एसोवि तह चेव अमिसेयाणत्तिं देइ तेऽवि तह चेव उवणति,तए णं से सक्के देविंदे देवराया भगवओ तित्थयरस्स चउद्दिसिं चत्तारि धवलवसमे विउव्वद सेए संखदलविमलणिम्मलदघिघणगोखीरफेणरययणिगरप्पगासे पासाईए दरिसणिज्जे अभिरूवे पडिरूवे, तए णं तेसिं चउण्हं धवलवसभाणं अट्ठहिं सिंगेहितो अट्ठ तोयधाराओ णिग्गच्छंति, तए णं ताओ अट्ठ तोयधाराओ उर्दु वेहासं उप्पयंति 2 त्ता एगओ मिलायंति 2 त्ता भगवओ तित्थयरस्स मुद्धाणंसि णिवयंति / तए णं से सक्के देविंदे देवराया चउरासीईए सामाणियसाहस्सीहिं एयस्सवि तहेव अभिसेओ भाणियब्यो जाव णमोऽत्थु ते अरहओत्तिकट्ट वंदइ णमंसइ जाव पज्जुवासइ // 122 // तए णं से सक्के देविंदे देवराया पंच सक्के विउव्वइ 2 त्ता एगे सक्के भगवं तित्थयरं करयलसंपुडेणं गिण्हइ एगे सक्के पिट्टओ आयवत्तं धरेइ दुवे सक्का उभओ पासिं चामरुक्खेवं करेंति एगे सक्के वजपाणी पुरओ पकडइ, तए णं से सक्के चउरासीईए सामाणियसाहस्सीहिं जाव अण्णेहि य० भवणवइवाणमंतरजोइसवेमाणिएहिं देवोह देवीहि य सद्धिं संपरिवुडे सव्विड्डीए जाव णाइयरवेणं ताए उक्किट्ठाए जाव जेणेव भगवओ तित्थयरस्स जम्मणणयरे जेणेव०
