________________ 712 अनंगपविट्ठसुत्ताणि पुरओ अहाणुपुब्बीए संपट्ठिया, तयणंतरं.."छत्तभिंगारं०, तयणंतरं च णं वइरामयवट्टलट्ठसंठिय-सुसिलिट्ठपरिघट्टमट्टसुपइट्ठिए विसिटे अणेगवरपंचवण्णकुडभीसहस्सपरिमण्डियाभिरामे वाउछुयविजयवेजयंतीपडागाछत्ताइच्छन्तकलिए तुंगे गयणयलमणुलिहंतसिहरे जोयणसहस्समूसिए महइमहालए महिंदज्झए पुरओ अहाणुपुत्वीए संपट्टिए तयणंतरं च णं सरूवणेवत्थपरियच्छिसुसजा सव्वालंकारविभूसिया पंच अणिया पंच अणियाहिवइणो जाव संपट्टिया, तयणंतरं च णं बहवे आभिओगिया देवा य देवीओ य सएहिं सएहिं रूवेहिं जाव णिओगेहिं सक्कं देविंदं देवरायं पुरओ य मग्गओ य पासओ य अहाणुपुव्वीए संपट्ठिया, तयणंतरं च णं बहवे सोहम्मकप्पवासी देवा य देवीओ य सव्विड्डीए जाव दुरूढा समाणा० मग्गओ य जाव संपट्ठिया, तए णं से सक्के तेणं पंचाणियपरिक्खित्तेणं जाव महिंदज्झएणं पुरओ पकड्डिजमाणेणं चउरासीए सामाणियसाहस्सीहिं जाव परिवुडे सब्विड्डीए जाव रवेणं सोहम्मस्स कप्पस्स मज्झमज्झेणं तं दिव्वं देविढेि जाव उवदंसेमाणे 2 जेणेव सोहम्मस्स कप्पस्स उत्तरिल्ले णिजाणमन्गे तेणेव उवागच्छइ उवागच्छित्ता जोयणसयसाहस्सिएहिं विग्गहेहिं ओवयमाणे 2 ताए उक्किट्ठाए जाव देवगईए वीईवयमाणे 2 तिरियमसंखिजाणं दीवसमुद्दाणं मझमज्झेणं जेणेव णंदीसरवरे दीवे जेणेव दाहिणपुरथिमिल्ले रइकरगपव्वए तेणेव उवागच्छइ 2 त्ता एवं जा चेव सूरियाभस्स वत्तव्वया णवरं सक्काहिगारो वत्तव्यो जाव तं दिव्वं देविड्ढेि जाव दिव्वं जाणविमाणं पडिसाहरमाणे 2 जाव जेणेव भगवओ तित्थयरस्स जम्मणणगरे जेणेव भगवओ तित्थयरस्स जम्मणभवणे तेणेव उवागच्छइ 2 त्ता भगवओ तित्थयरस्स जम्मण भवणं तेणं दिव्वेणं जाण विमाणेणं तिक्खुत्तो आयाहिणं पयाहिणं करेइ 2 त्ता भगवओ तित्थयरस्स जम्भणभवणस्स उत्तरपुरत्थिमे दिसिभागे चउरंगुलमसंपत्तं धरणियले तं दिव्यं जाणविमाणं ठवेइ 2 त्ता अट्टहिं अग्गमहिसीहिं दोहिं अणीएहिं गंधव्वाणीएण य णट्टाणीएण य सद्धिं ताओ दिव्वाओ जाणविमाणाओ परस्थिमिल्लेणं तिसोवाणपडिरूवएणं पच्चोरुहइ, तए णं सक्कस्स देविंदस्स देवरण्णो चउरासीइसामाणियसाहस्सीओ ताओ दिव्वाओ जाणविमाणाओ उत्तरिल्लेणं तिसोवाणपडिरूवएणं पच्चोरुहंति, अवसेसा देवा य देवीओ य ताओ दिवाओ जाणविमाणाओ दाहिणिल्लेणं तिसोवाणपडिरूवएणं पच्चोरुहंतित्ति / तए णं से सक्के देविंदे देवराया चउरासीए सामाणियसाहस्सिएहिं जाव सद्धिं संपरिबुडे सविडीए
