________________ जंबुद्दीवपण्णत्ती व. 5 जाव दुंदुहिणिग्घोसणाइयरवेणं जेणेव भगवं तित्थयरे तित्थयरमाया य तेणेव उवागच्छइ 2 त्ता आलोए चेव पणामं करेइ 2 त्ता भगवं तित्थयरं तित्थयरमायरं च तिक्खुत्तो आयाहिणपयाहिणं करेइ २त्ता करयल जाव एवं वयासी-णमोऽत्थु ते रयणकुच्छिधारिए एवं जहा दिसाकुमारीओ जाव धण्णासि पुण्णासि तं कयत्थासि, अहणं देवाणुप्पिए ! सक्के णामं देविंदे देवराया भगवओ तित्थयरस्स जम्मणमहिमं करिस्सामि, तं गं तुब्भाहिं ण भाइयव्वंतिकटु ओसोवणिं दलयइ 2 त्ता तित्थयरपडिरूवगं विउब्वइ 2 त्ता तित्थयरमाउयाए पासे ठवेइ 2 त्ता पंच सक्कें विउव्वइ विउवित्ता एगे सक्के भगवं तित्थयरं करयलसंपुडेणं गिण्हइ एगे सक्के पिट्ठओ आयवत्तं धरेइ दुवे सक्का उभओ पासिं चामरुक खेवं करेंति एगे सक्के पुरओ वज़पाणी पकडइत्ति, तए णं से सक्के देविंदे देवराया अण्णेहिं बहूहिं भवणवइवाणमंतरजोइसवेमाणिएहिं देवेहिं देवी हि य सद्धिं संपरिबुडे सव्विड्डीए जाव णाइयरवेणं ताए उक्किट्ठाए जाव वीईवयमाणे 2 जेणेव मंदरे पवए जेणेव पंडगवणे जेणेव अभिसेयसिला जेणेव अभिसेयसीहासणे तेणेव उवागच्छइ 2 त्ता सीहासणवरगए पुरत्थाभिमुहे सण्णिसण्णेत्ति // 117 // तेणं कालेणं तेणं समएणं ईसाणे देविदे देवराया सूलपाणी वसभवाहणे सुरिंदे उत्तरडलोगाहिवई अट्ठावीसविमाणवाससयसहस्साहिवई अरयंबरवत्थधरे एवं जहा सक्के इमं णाणत्त-महाघोसा घण्टा लहुपरक्कमो पायत्ताणिग्याहिवई पुप्फओ विमाणकारी दक्षिणे णिजाणमन्गे उत्तरपुरथिमिल्लो रइकरगपव्वओ मंदरे समोसरिओ जाव पज्जुवासइत्ति, एवं अवसिट्ठावि इंदा भाणियव्वा जाव अच्चुओत्ति, इमं णाणतं-चउरासीइ असीई बावत्तरि सत्तरी य सट्ठी य / पण्णा चत्तालीसा तीसा वीसा दस सहस्सा // 1 // एए सामाणियाणं, बत्तीसट्ठावीसा बारसट्ट चउरो सयसहस्सा / पण्णा चत्तालीसा उच्च सहस्सा सहस्सारे // 1 // आणयपाणयकप्पे चत्तारि सयाऽऽरणच्छुए तिण्णि। एए विमाणाणं, इमे जाणविमाणकारी देवा, तंजहा-पालय 1 पुप्फे य 2 सोमणसे 3 सिरिवच्छे य 4 णंदियावत्ते 5 / कामगमे 6 पीइगमे 7 मणोरमे 8 विमल 9 सव्वओभद्दे 10 // 1 // सोहम्मगाणं सणकुमारगाणं बंभलोयगाणं महासुक्कयाणं पाणयगाणं इंदाणं सुघोसा घण्टा हरिणेगमेसी पायत्ताणीयाहिवई उत्तरिल्ला णिजाणभूमी दाहिणपुरथिमिल्ले रइकरगपव्वए, ईसाणगाणं माहिंदलंतगसहस्सारअच्चुयगाण य इंदाण महाघोसा घण्टा लहुपरक्कमो पायत्ताणीयाहिवई दक्खिणिल्ले णिजाणम गे
