________________ 710 अनंगपविट्ठसुत्ताणि सयसहस्ससंकुले जाए यावि होत्था, तए णं तेसिं सोहम्मकप्पवासीणं बहूणं वेमाणियाणं देवाण य देवीण य एगंतरइपसत्तणिच्चप्पमत्तविसयसुहमुच्छ्यिाणं सूसरघंटारसियविउलबोलपूरियचवलपडिबोहणे कए समाणे घोसणकोऊहलदिण्णकण्णएग्गचित्तउवउत्तमामसाणं से पायत्ताणीयाहिवई देवे तंसि घंटारवंसि णिसंतपडिसंतसि समाणंसि तत्थ 2 देसे 2 तहिं 2 महया 2 सद्देणं उग्घोसेमाणे 2 एवं वयासी-हंत ! सुगंतु भवंतो बहवे सोहम्मकप्पवासी वैमाणियदेवा देवीओ य सोहम्मकप्पवइणो इणमो वयणं हियसुहत्थं-आणवेइ णं भो! सक्के तं चेव जाव अंतियं पाउब्भवहत्ति, तए णं ते देवा देवीओ य एयमढे सोचा हट्टतुट्ठ जाव हियया अप्पेगइया वंदणवत्तियं एवं पूयण वत्तियं सक्कारवत्तियं सम्माणवत्तियं दसणवत्तियं कोऊहलवत्तियं जिणभत्तिरागेणं अप्पेगइया सक्कस्स वयणमगुवट्टमाणा अप्पेगइया अण्णमण्णमणुवट्टमाणा अप्पेगइया तं जीयमेयं एवमाइलिकट्ट जाव पाउन्भवंतित्तिः / तए णं से सक्के देविंदे देवराया ते वेमाणिए देवे देवीओ य अकालपरिहीणं चेव अंतिय पाउन्भवमाणे पासइ 2 त्ता हट्ट० पालयं णामं आभिओगियं देवं सद्दावेइ 2 त्ता एवं वयासीखिप्पामेव भो देवाणुप्पिया ! अणेगखम्भसयसण्णिविट्टै लीलट्ठियसालभंजियाकलियं ईहामियउसभतुरगणरमगरविहगवालगकिण्णररुरुसरभचमरकुंजरवणलयपउमलयभत्तिचित्तं खंभुग्गयवइरवेइयापरिगयाभिरामं विजाहरजमलजुयलजंतजुत्तंपिव अच्चीसहस्समालिणीयं रूवगसहस्सकलियं भिसमाणं भिब्भिसमाणं चक्खुल्लोयणलेसं सुहफासं सस्सिरीयरूवं घण्टावलियमहुरमणहरसरं सुहं कंतं दरिसणिज्जं णिउणोवियमि सिमिसिंतमणिरयणघंटियाजालपरिक्खित्तं जोयणसयसहस्सविच्छिण्णं पंचजोयणसयमुव्विद्धं सिग्धं तुरियं जइणणिव्वाहि-दिव्वं जाणविमाणं विउव्वाहि रत्ता एयमाणत्तिय पच्चप्पिणाहि // 115 // तए णं से पालयदेवे सक्केणं देविंदेणं देवरण्णा एवं वुत्ते समाणे हट्टतुट्ठ जाव वेउव्वियसमुग्घाएणं समोहणित्ता तहेव करेइ इति, तस्स णं दिव्वस्स जाणविमाणस्स तिदिसिं तओ तिसोवाणपडिरूवगा वण्णओ, तेसि णं पडिरूवगाणं पुरओ पत्तेयं 2 तोरणा वण्णओ जाव पडिरूवा, तस्स णं जाणविमाणस्स अंतो बहुसमरमणिज्जे भूमिभागे०,से जहाणामए-आलिंगपुक्खरेइ वा जाव दीवियचम्मेइ वा अणेगसंकुकीलगसहस्सवियए आवडपच्चावडसेढिप्पसेढिसुत्थियसोवत्थियवद्धमाणपुसमाणव-मच्छंडगमगरंडगजारमारफुल्लावलिपउमपत्तसागरतरंगवसंतलयपउमलयभत्तिचित्तेहिं सच्छाएहि सप्पभेहिं समरीइएहि सउज्जोएहिं . णाणाविहपंचवण्णोहि
