________________ जंबुद्दीवपण्णत्ती व. 5 709 याणं धम्मणायगाणं धम्मसारहीणं धम्मवरचाउरंतचक्वटीणं, द.वो ताणं सरणं गई पट्टा अप्पडिहयवरणाणदंसणधराणं वियदृछउमाणं, जिणाणं जावयाणं तिण्णाणं तारयाण बुद्धाणं बोहयाणं मुत्ताणं मोयगाणं, सव्वण्णूणं सव्वदरिसीणं सिवमयलमरुयमणंतमक्खयमव्वाबाहमपुणरावित्तिसिद्धिगाणामधेयं ठाणं संपत्ताणं णमो जिणाणं जियभयाणं, णमोऽत्थु णं भगवओ तित्थयरस्स आइगरस्स जाव संपाविसकामस्स, वंदामि णं भगवंतं तत्थगयं इहगए, पासउ मे भयवं ! तत्थगए इहगयंतिकट्ट वंदइ णमंसइ वं० 2 त्ता सौहासणवरंसि पुरत्थाभिमुहे सण्णिसण्णे, तए णं तस्स सक्कस्स देविंदस्स देवरण्णो अयमेयारूवे जाव संकप्पे समुप्पज्जित्था-उप्पण्णे खलु भो ! जम्बुद्दीवे दीवे भगवं तित्थयरे तं जीयमेयं तीयपच्चुप्पण्णमणागयाणं सक्काणं देविंदाणं देवराईणं तित्थयराणं जम्मणमहिमं करेत्तए, तं गच्छामि णं अहंपि भगवओ तित्थयरस्स जम्मणमहिमं करेमित्तिकट्ट एवं संपेहेइ 2 त्ता हरिणेगमेसिं पायत्ताणीयाहिवई देवं सद्दावेद 2 ता एवं वयासी-खिप्पामेव भो देवाणुप्पिया! सभाए सुहम्माए मेघोघरसियगंभीरमहुरयरसदं जोयणपरिमण्डलं सुघोस सूसरं घंटे तिक्खुत्तो उल्लालेमाणे 2 महया महया सद्देणं उग्धोसेमाणे 2 एवं वयाहि-आणवेइ णं भो ! सक्के देविदे देवराया गच्छइ णं भो ! सक्के देविंदे देवराया जम्बुद्दीवे 2 भगवओ तित्थयरस्स जम्मणमहिमं करित्तए, तं तुब्मेवि णं देवाणुप्पिया ! सब्विड्डीए सव्वजुईए सव्वबलेणं सव्वसमुदएणं सव्वायरेणं सव्वविभूईए सव्वविभूसाए सव्वसंभमेणं सव्वणाडएहिं सब्योवरोंहेहिं सव्वपुप्फगंधमल्लालंकारविभूसाए सव्वदिव्वतुडियसद्दसण्णिणाएणं महया इड्डीए जाव रवणं णिययपरियालसंपरिवुडा सयाई 2 जाणविमाणवाहणाई दुरूढा समाणा अकालपरिहीणं चेव सक्कस्स जाव अंतियं पाउन्भवह, तए णं से हरिणेगमेसी देवे पायत्ताणीयाहिवई सक्केणं 3 जाव एवं वुत्ते समाणे हट्टतुट्ठ जाव एवं देवोत्ति आणाए विणएणं वयणं पडिसुणेइ 2 त्ता सकस्स 3 अंतियाओ पडिणिक्खमइ 2 त्ता जेणेव सभाए सुहम्माए मेघोघरसियगम्भीरमहुरयरसद्दा जोयणपरिमण्डला सुघोसा घण्टा तेणेव उवागच्छइ 2 त्ता तं मेघोघरसियगम्भीरमहुरयरसई जोयणपरिमण्डलं सुघोसं घण्टं तिक्खुत्तो उल्लालेइ, तए णं तीसे मेघोघरसियगम्भीरमहुरयरसद्दाए जोयणपरिमण्डलाए सुघोसाए घण्टाए तिक्खुत्तो उल्लालियाए समाणीए. सोहम्मे कप्पे अण्णेहिं एगणेहिं बत्तीसविमाणावाससयसहस्सेहिं अण्णाई एगूणाई बत्तीसं घण्टासयसहस्साइं जमगसमगं कणकणारावं काउं पयत्ताइं चावि हुत्था, तए णं सोहम्मे कप्पे. पासायविमाणणिक्खुडावडियसद्दसमुट्टियघण्टापडिया
