________________ जंबुद्दीवपण्णत्ती व. 5 707 मज्झदेसभाएं तओ सीहासणे विउव्वंति, तेसि णं सीहासणाणं अयमेयारूवे वण्णावासे पण्णत्ते सव्वो वण्णगो भाणियब्यो / तए णं ताओ रुयगमज्झवत्थव्वाओ चत्तारि दिसाकुमारीओ(महत्तराओ)जेणेव भयवं तित्थयरे तित्थयरमाया य तेणेव उवागच्छंति 2 त्ता भगवं तित्थयरं करयलसंपुडेणं गिण्हंति तित्थयरमायरं च बाहाहिं गिण्हंति 2 त्ता जेणेव दाहिणिल्ले कयलीहरए जेणेव चाउस्सालए जेणेव सीहासणे तेणेव उवागच्छंति 2 त्ता भगवं तित्थयरं तित्थयरमायरं च सीहासणे णिसीयाति 2 त्ता सयपागसहस्सपागेहिं तिल्लेहिं अब्भंगेति 2 त्ता सुरभिणा गंधवट्टएणं उव्वर्टेति 2 त्ता भगवं तित्थयरं करयलसंपुडेणं तित्थयरमायरं च बाहासु गिण्हति 2 त्ता जेणेव पुरस्थिमिल्ले कयलीहरए जेणेव चाउस्सालए जेणेव सीहासणे तेणेव उवागच्छंति उवागच्छित्ता भगवं तित्थयरं तित्थयरमायरं च सीहासणे णिसीयावेंति 2 त्ता तिहिं उदएहिं मजाति, तंजहा-गंधोदएणं 1 पुष्फोदएणं 2 सुद्धोदएणं 3 मजावित्ता सव्वालंकारविभूसियं करेंति 2 त्ता भगवं तित्थयरं करयलसंपुडेणं तित्थयरमायरं च बाहाहिं गिण्हति २त्ता जेणेव उत्तरिल्ले कयलीहरए जेणेव चाउस्सालए जेणेव, सीहासणे तेणेव उवागच्छंति 2 त्ता भगवं तित्थयरं तित्थयरमायरं च सीहासणे णिसीयाविति 2 त्ता आभिओगे देवे सद्दाविति 2 त्ता एवं वयासी-खिप्पामेव भो देवाणुप्पिया ! चुलहिमवंताओ वासहरपव्वयाओ गोसीसचंदणकट्ठाइं साहरह, तए णं ते आभिओगा देवा त्यहिं रुयगमज्झवत्थव्वाहिँ चउहिं दिसाकुमारीमहत्तरियाहिं एवं बुत्ता समाणा हट्टतुट्ठ जाव विणएणं वयणं पडिच्छंति 2 त्ता खिप्पामेव चुल्लहिमवंताओ वासहरपव्वयाओ सरसाइं गीसीसचंदणकट्ठाई साहरंति, तए णं ताओ मज्झिमरुयगवत्थव्वाओ चत्तारि दिसाकुमारीमहत्तरियाओ सरगं करेंति 2 त्ता अरणि घडेति अरणिं घडित्ता सरएणं अरणिं माहति 2 त्ता अग्गिं पाडेति 2 त्ता अग्गिं संधुक्खंति 2 त्ता गोसीसचंदणकट्टे पक्खिवंति 2 त्ता अग्गि उजालंति 2 त्ता समिहाकट्ठाई पक्खिविंति 2 त्ता अग्गिहोमं करेंति 2 त्ता भूइकम्मं करेंति 2 त्ता रक्खापोलियं बंधंति बंधेत्ता णाणामणिरयभत्तिचित्ते दुविहे पाहाणवट्टगे गहाय भगवओ तित्थयरस्स कण्णमूलंमि टिट्टियाविंति भवउ भयवं पव्वयाउए 2 / तए णं ताओ रुयगमज्झवत्थव्वाओ चत्तारि दिसाकुमारीमहत्तरियाओ भयवं तित्थयरं करयलसंपुडेणं तित्थयरमायरं च बाहाहिं गिण्हंति गिण्हित्ता जेणेव भगवओ तित्थयरस्स जम्मणभवणे तेणेव उवागच्छंति 2 ता तित्थयरमायरं सयणिज्जसि
