________________ 706 अनंगपविट्ठसुत्ताणि तहेव जाव विहरंति, तंजहा-गाहा–णंदुत्तरा य 1 णंदा 2 आणंदा 3 णंदिवद्धणा 4 / विजया य 5 वेजयंती 6, जयंती 7 अपराजिया 8 // 1 // सेसं तं चेव जाव तुब्भाहिं ण भाइयव्यंतिकट्ट भगवओ तित्थयरस्स तित्थयरमायाए य पुरस्थिमेणं आयंसहत्थरयाओ आगायमाणीओ परिगायमाणीओ चिट्ठति / तेणं काले गं तेणं समएणं. दाहिणल्यगवत्थव्वाओ अट्ट दिसाकुमारीमहत्तरियाओ तहेव जाव विहरंति, तंजहा-गाहा-समाहारा 1 सुप्पइण्णा 2 सुप्पबुद्धा 3 जसोहरा 4 / लच्छिमई 5 सेसवई 6 चित्तगुत्ता 7 वसुंधरा 8 // 1 // तहेव जाव तुब्भाहिँ ण भाइयव्वंतिकट्ट भगवओ तित्थयरस्स तित्थयरमाऊए य दाहिणेणं भिंगारहत्थगयाओ आगायमाणीओ. परिगायमाणीओ चिट्ठति / तेणं कालेग तेणं समएणं पञ्चत्थिमस्यगवत्थचाओ अट्ट दिसाकुमारीमहत्तरियाओसएहिं 2 जाव विहरंति, तं०-इलादेवी 1 सुरादेवी 2 पुहवी , 3 पउमावई 4 / एगणासा 5 :णवमिया 6 भद्दा 7 सीया य 8 अट्ठमा // 1 // तहेव जाव तुब्भाहिं ण भाइयव्वंतिकट्ट जाव भगवओ तित्थयरस्स तित्थयरमाऊए य पच्चत्थिमेणं तालियंटहत्थगयाओ आगायमाणीओ परिगायमाणीओ चिट्ठति / तेणं कालेणं तेणं समएणं उत्तरिलरुयगवत्थव्वाओ जाव विहरंति, तंजहा-अलंबुसा 1 मिस्सकेसी 2 पुण्डरीया य 3 वारुणी. 4 / हासा 5 सब्बप्पमा 6 चेव, सिरि 7 हिरि 8 चेव उत्तरओ // 1 // तहेव जाव वंदित्ता भगवओ तित्थयरस्स तित्थयरमाऊए य उत्तरेणं चामरहत्थगयाओ आगायमाणीओ परिगायमाणीओ चिट्ठति / तेणं कालेणं तेणं समएणं विदिसिरुयगवत्थव्वाओ चत्तारि दिसाकुमारीमहत्तरियाओ जाव विहरंति, तंजहा-चित्ता य 1 चित्तकणगा 2 सतेरा 3 य सोदामिणी 4 / तहेव जाव ण भाइयव्वंतिकद भगवओ तित्थयरस्स तित्थयरमाऊए य चउसु विदिसासु दीवियाहत्थगयाओ आगायमाणीओ परिगायमाणीओ चिट्ठतित्ति / तेणं कालेणं तेणं समएणं मज्झिमरुयगवत्थव्वाओ चत्तारि दिसाकुमारीमहत्तरियाओ सएहिं 2 कूडेहिं तहेव जाव विहरंति, तंजहा-रूया रूयासिया चेव, सुरूया रूयगावई / तहेव जाव तुब्भाहिं ण भाइयव्वंतिकट्ट भगवओ तित्थयरस्स चउरंगुलवज्जं णाभिणालं कप्पंति कप्पेत्ता विवरगं खणंति खणित्ता वियरगे णाभिं णिहणंति णिहणित्ता रयणाण य वइराण य पूरेंति 2 त्ता हरियालियाए पेढं बंधति 2 त्ता तिदिसि तओ कयलीहए. विउव्वंति, तए णं तेसिं कयलीहरगाणं बहुमज्झदेसभाए तओ चाउस्सालए विउव्वंति, तए णं तेसिं चाउस्सालगाणं बहु
