________________ 705 जंबुद्दीवपण्णत्ती व. 5 मंगलस्स चक्खुणो य मुत्तस्स सव्वजगजीववच्छलस्स हियकारगमग्गदेसियवागिद्धिविभुपभुस्स जिणस्स णाणिस्स णायगस्स बुहस्स बोहगस्स सव्वलोगणाहस्स णिम्ममस्स पंवरकुलसमुब्भवस्स जाईए खत्तियस्स जंसि लोगुत्तमस्स जणणी धण्णासि तं पुण्णासि कयत्थासि अम्हे णं देवाणुप्पिए ! अहेलोगवत्थव्वाओ अट्ठ दिसाकुमारीमहत्तरियाओ भगवओ तित्थगरस्स जम्मणमहिमं करिस्सामो तण्णं तुब्भाहिं ण भाइयव्वं तिकट्ट उत्तरपुरस्थिमं दिसीभागं अवक्कमंति 2 त्ता वेउब्वियसमुन्धारणं समोहणंति 2 त्ता संखिजाई जोयणाई दंडं णिसिरंति, तंजहा-रयणाणं जाव संवट्टगवाए विउव्वंति 2 त्ता तेणं सिवेणं मउएणं मारुएणं अणु एणं भूमितलविमलकरणेणं मणहरेणं सव्वोउयसुरहिकुसुमगंधाणुवासिएणं पिण्डिमणीहारिमेणं गंधुधुएणं तिरियं पवाइएणं भगवओ तित्थयरस्स जम्मणभवणस्स सव्यओ समंता जोयणपरिमण्डलं से जहाणामए-कम्मगरदारए सिया जाव तहेव जं तत्थ तणं वा पत्तं वा कटुं वा कयवरं वा असुइमचोक्खं पूइयं दुब्भिगंधं तं सव्वं आहुणिय 2 एगते एडेंति २त्ता जेणेव भगवं तित्थयरे तित्थयरमाया य तेणेव उवागच्छंति 2 ता भगवओ तित्थयरस्स तित्थयरमायाए य अदूरसामंते आगायमाणीओ परिगायमाणीओ चिट्ठति // 112 // तेणं कालेणं तेणं समएणं उडलोगवत्थव्वाओ अट्ठ दिसाकुमारीमहत्तरियाओ सएहिं 2 कूडोहं सएहिं 2 भवणेहिं साह 2 पासायवडेंसएहिं पत्तेयं 2 चउहिं सामाणियसाहस्सीहिं एवं तं चेव पुव्ववण्णियं जाव विहरंति, तंजहा-मेहंकरा 1 मेहवई 2, सुमेहा 3 मेहमालिणी 4 / सुवच्छा 5 वच्छमित्ता य 6, वारिसेणा 7 बलाहगा 8 // 1 // तए णं तासिं उड्डलोगवत्थव्वाणं अट्ठण्हं दिसाकुमारीमहत्तरियाणं पत्तेयं 2 आसणाई चलंति, एवं तं चेव पुव्ववणियं भाणियव्वं जाव अम्हे ण देवाणुप्पिए! उड्डलोगवत्थव्वाओ अट्ट दिसाकुमारीमहत्तरियाओ जेणं भगवओ तित्थयरस्स जम्मणमहिमं करिस्सामो तेणं तुब्भाहिं ण भाइयव्यंतिकट्ट उत्तरपुरस्थिमं दिसीभागं अवकमंति 2 त्ता जाव अब्भवद्दलए विउव्वंति 2 त्ता जाव तं णिहयरयं णहरयं भट्टरयं पसंतरयं उवसंतरयं करेंति 2 त्ता खिप्पामेव पच्चुवसमंति, एवं पुप्फवद्दलंसि पुष्फवासं वासंति वासित्ता जाव कालागुरुपवर जाव सुरवराभिगमणजोग्गं करेंति २त्ता जेणेव भयवं तित्थयरे तित्थयरमाया य तेणेव उवागच्छंति 2 त्ता जाव आगायमाणीओ परिगायमाणीओ चिट्ठति // 113 // तेणं कालेणं तेणं समएणं पुरस्थिमरुयगवत्थव्वाओ अट्ट दिसाकुमारीमहत्तरियाओ सएहिं 2 कडहिं
