Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 113

704 अनंगपविट्ठसुत्ताणि सएहिं 2 भत्रणेहिं सएहिं 2 पासायवर्ल्डसएहिं पत्तय 2 चउहिँ सामाणियसाहस्सीहिं चउहि महत्तरियाहिं सपरिवाराहिं सत्तहिं अणिएहिं सत्तहिं अणियाहिवई हिं सोलसएहिं आयरक्खदेवसाहस्सीहि अण्णेहि य बहहिं भवणवइवाणमंतरेहिं देवेहिं देवीहि य सद्धिं संपरिवुडाओ महया हयणट्टगीयघाइय जाव भोगभोगाई भुंजमाणीओ विहरंति, तंजहा-भोगंकरा 1 भोगवई 2, सुभोगा 3 भोगमालिणी 4 / तोयधारा 5 विचित्ता य, पुष्फमाला 7 अणिंदिया 8 // 1 // तए णं तासिं अहेलोगवत्थव्वाणं अट्ठण्हं दिसाकुमारीणं मयहरियाणं पत्तेयं पत्तेयं आसणाई चलंति, तए णं ताओ अहेलोगवत्थव्वाओ अट्ट दिसाकुमारीओ महत्तरियाओ पत्तेयं 2 आसणाई चलियाई पासंति २त्ता ओहिं पउंति पउंजित्ता भगवं तित्थयरं ओहिणा आभोएंति 2 त्ता अण्णमण्णं सद्दाविति २त्ता एवं वयासी-उप्पण्णे खलु भो ! जम्बुद्दीवे 2 भयवं तित्थयरे तं नीयमेयं तीयपच्चुप्पण्णमणागयाणं अहेलोगवत्थव्वाणं अट्ठण्हं दिसाकुमारी महत्तरियाणं भगवओ तित्थगरस्स जम्मणमहिमं करेत्तए, तं गच्छामो णं अम्हेवि भगवओ जम्मणमहिमं करेमोत्तिकट्ट एवं वयंति 2 त्ता पत्तेयं 2 आभिओगिए देवे सद्दावेंति 2 त्ता एवं वयासी-खिप्पामेव भो देवाणुप्पिया ! अणेगखम्भसयसण्णिविढे लीलट्ठिय० एवं विमाणवण्णओ भाणियव्यो जाव जोयणविच्छिण्णे दिव्वे जाणविमाणे विउव्वित्ता एयमाणत्तियं पच्चप्पिणहत्ति, तए णं ते आभिओगा देवा अणेगखम्भसय जाव पच्चप्पिणंति, तए णं ताओ अहेलोगवत्थव्वाओ अट्ट दिसाकुमारीमहत्तरियाओ हट्टतुट्ठ० पत्तेयं 2 चउहिं सामाणियसाहसीहिं चरहिं महत्तरियाहिं जाव अण्णाहिँ बहूहिं देवेहिं देवीहि य सद्धिं संपरिबुडाओ ते दिव्वे जाणविमाणे दुरूहंति दुरूहित्ता सव्विड्डीए सव्वजुईए घणमुइंगपणवपवाइयरवेणं ताए उक्किट्ठाए जाव देवगईए जेणेव भगवओ तित्थयरस्स जम्मणणगरे जेणेव० तित्थयरस्स जम्मणभवणे तेणेव उवागच्छंति 2 त्ता भगवओ तित्थयरस्स जम्मणभवणस्स तेहिं दिव्वहिं जाव विमाणेहिं तिक्खुत्तो आयाहिणं पयाहिणं करेंति 2 त्ता उत्तरपुरत्थिमे दिसीभाए ईसिं चउरंगुलमसंपत्ते धरणियले ते दिव्वे जाणविमाणे ठविंति ठवित्ता पत्तेयं 2 चउहिं सामाणियसाहस्सीहिं जाव सद्धिं संपरिवुडाओ दिव्वेहितो जाणविमाणेहिंतो पच्चोरुहंति 2 त्ता सव्विड्डीए जाव णाइएणं जेणेव भगवं तित्थयरे तित्थयरमाया य तेणेव उवागच्छंति २त्ता भगवं तित्थयरं तित्थयरमायरं च तिक्खुत्तो आयाहिणपयाहिणं करेंति 2 त्ता पत्तेयं 2 करयलपरिग्गहियं सिरसावत्तं मत्थए अंजलिं कट्ट एवं वयासी-णमोऽन्थु ते रयणकुच्छिधारिए जगप्पईवदाईए सव्वनग